Location: Archivio di Stato, Siena
Sub-Location: Balìa, 547, Carteggio, 98
Type:Personal Letter
Language:Latin
Transcription Author: Gaetano Milanesi
Published: yes
Publication Details: Published by G. Gaye, Carteggio inedito d'artisti dei secoli XIV. XV. XVI., I, Florence, 1839, pp. 310-311, doc. CXLVII, and by G. Milanesi, Documenti per la storia dell’arte senese, Siena, 1854, II, pp. 443-444, doc. 320.

The Elders of Lucca thank the Balìa of Siena for having authorised Francesco di Giorgio to stay a few days in their city.

Artist(s): Francesco di Giorgio
Dates: 29.8.1491
Illustrissimi et excellentissimi domini patres nostri unici et observandissimi, concesserunt Excellentie Vestre per aliquot dies nobis prestantem virum Franciscum Georgii, architectorem egregium, quem vidimus libentissime, et quia senensem et quod etiam preter ingenium quod habet in suo exercitio singulare et excellens, ut ex modellis per eum factis manifeste apparet, modestum totum, benignum et liberalem animadvertimus. Redit ad Vestras Excellentias magno quidem amore nostro et totius populi, quem sibi peperit tam ingenii admiratione quam humanitate multa. Vestris Excellentiis gratias agimus, que hominis ingenii partecipes nos esse voluerunt. Restat, Excellentissimi Domini, ut Vobis et Vestre excellentissime reipubblice magnopere gratulamur, que tam bonum tamque modestum habeat civem et ita in architectura eruditum ut parem non habeat tota Italia iudicio nostro. Commendamus nos Excellentiis Vestris. Ex nostro palatio, die XXVIIII augusti 1491. Antiani et vexillifer iustitie populi et comunis Lucensis.