Italian Renaissance Document Site

Spectabilissimi domini Quator antedicti convocati [...], actento quod per camerarium Bicherne mihi notario libras octo denariorum depositate fuerunt, prout supra per eos decretum fuit, pro expensis fiendis in eundo ad videndum pontem ad Mersam seu actamina in eo ponte facta per Franciscum Martini ingegnerium et socios, prout ipsis dominis Quator pertinet, ex forma instrumenti locationis dictis Francisco et sociis facte a magnifico Cumuni Senensi et prout per dictos Franciscum et socios dictis dominis Quator notificatum fuit [...], deliberaverunt eligere pro eundo ad videndum dicta actamina et dictum pontem et eligerunt Antonium Contis de Chapaccis eorum quartum collegam et Iohannem [*****] de Chozarellis carpentarium de Senis et magistrum Ambrosium [*****] lombardum magistrum petre, duos expertos magistros in tali exercitio, ad videndum dicta actamina et Ieronimum magistri Petri mensuratorem Comunis ad ipsa actamina mensuranda et quod referant ipsis dominis Quator omni meliori modo. Die dicta novembris. Spectabilis vir Antonius Contis de Chapaccis de Senis, unus ex quator civibus et officialibus Quator Bicherne civitatis predicte, nec non egregii viri Iohannes [*****] de Chozarellis, magister Ambrosius lombardus et Ieronimus magistri Petri de Albaco mensurator Comunis [...] coram dominis Quatuor suprascriptis referentes qualiter iverunt et se contulerunt ad videndum actamina pontis ad Mersam facta per Franciscum Georgii Martini et socios, retulerunt [...] vidisse dicta actamina dicti pontis et, ipsis actaminibus bene ac omni qua decet diligentia optime perspectis, non semel tantum sed pluries et pluries, et tandem invenisse, vidisse ac eis notificatum fuisse a pluribus predictos Franciscum Georgii et socios, qui fecerunt dicta actamina, ipsa bene, optime et fortiter, composite et acte fecisse, fabrichasse et composuisse cum bonis reparationibus, cum bonis trabibus, iaia, chalce, tabulis, lignis et aliis quibuscumque in similibus actis et opportunis, et hoc secundum eorum conscientiam, ingenium et artem. [...]. Dictus autem Ieronimus magistri Petri mensurator Comunis retulit [...] mensurasse dicta actamina dicti pontis [...] et de qua mensuratione patet in filza mei notarii manu ipsius Ieronimi [...] omni modo etc. Die X mensis novembris. Spectabilissimi domini Quator Provisores generalis Bicherne [...], audito magistro Antonio Barilis, carpentario et socio Francisci Georgii ingegnerio (?) de Senis in actamine pontis ad Mersam, et quod habuerunt conductam de actando ipsum pontem de quibusdam actaminibus necessariis, exponentes qualiter superioribus diebus dicta actamina perfecerunt et finierunt, prout obligati erant ex forma dicte conducte manu ser Angeli Mei Angeli Gucci notarii publici Senensis, et cum sit quod in dicto instrumento dicti magister Antonius et socii tenerentur et obligati essent dictum laborerium approbari facere pro bene et legiptime factum per dictos dominos Quator, hinc est quod domini Quator antedicti, ad hoc ut dicta approbatio melius ac rectius fieret et ius Comunis Senensis rectius posset videri misso per eos ad dictum pontem uno ex eorum honorabilibus collegis cum duobus magistris in simili exercitio expertis et auditis etiam aliis pluribus de predictis actaminibus notitiam habentibus et audita predictorum bona relatione et actenta etiam relatione facta per mensuratorem Comunis de mensuratione per eum facta in dicto laborerio et qualiter est ad perfectam et iuxtam mensuram et prout obligati sunt ex forma dicte locationis [...] deliberaverunt approbare et approbaverunt dictum laborerium factum per predictos in dicto ponte sicut bene, legiptime, idonee et fortiter factum et secundum dictam eorum locationem [...].

Evaluation of the works on the bridge at Macereto, carried out by Francesco di Giorgio and associates, Siena.