Location: Sezione di Archivio di Stato, Gubbio
Sub-Location: Fondo notarile, 98, c. 183r
  • 183
    recto
Type:Notarial
Language:Latin
Transcription Author: Piero Luigi Menichetti
Published: yes
Publication Details: Published by G. Martines, 'Francesco di Giorgio a Gubbio in tre documenti d'archivio rinvenuti e trascritti da Pier Luigi Menichetti', Ricerche di storia dell'arte, 11, 1980, p. 69, and by S. Capaninli, 'Gli architetti del Palazzo', in Il Palazzo Ducale di Gubbio and Francesco di Giorgio Martini, edited by S. Capaninli, Gubbio, 2008, p. 166

Francesco di Giorgio, in the name of Federico di Montefeltro, commissions Bernardino di Nanni to decorate Federico's room in the Ducal palace in Gubbio.

Artist(s): Francesco di Giorgio
Dates: 22.5.1477
Die XXII mensis maii. Actum Eugubii in supradicta domo mei notarii, presentibus testibus in fine presentis contractus descriptis. Spectabilis vir Franciscus Georgii de Senis, vice et nomine illustrissimi domini nostri ducis etc., locavit et concessit Berardino quondam Nannis Petri pictori de Eugubio, presenti et conducenti, opus infrascriptum, videlicet quod dictus Berardinus teneatur et debeat depingere de colore azurro fino, valoris IIII ducatorum pro qualibet libra, quemdam (?) fregium in camera Sue Illustrissime Dominationis ad omnes parietes cum licteris aureis et etiam facere et depingere in tota dicta camera omnia alia laboreria que (?) sunt (?) designata in quodam folio aut (?) carte, ostenso et demostrato ipsi Berardino per dictum Francischum in presentia dictorum testium et mei notarii, et de coloribus sibi commissis per ipsum Francischum et cum auro fino in locis dicte camere, secundum quod per dictam designationem apparet in dicto folio (ubicumque aparet color croceus sit aurum), cum damaschino alto et basso, cum alio fregio super circumcircha ad omnes parietes, secundum dictam designationem, et totum aurum et colores ponere ibi de suo proprio, et omnia et singula facere circa predicta que magister Francischus sibi dixerit ordinasse et designasse et commississe, et quod dictum opus debeat esse approbatum iudicio ipsius Francisci. Et dictum opus facere et completare (?) promisit per totum mensem septembris proxime (?) futuri. Et hoc pro mercede septuaginta ducatorum auri, sibi dandorum et solvendorum per prefatum illustrissimum dominum nostrum sive per alium pro Sua Dominatione solventem. Quod opus promisit facere bona fide etc. et ita iuravit. Presentibus domino (?) Sensio Pauli Sensi et Iacopo Pritiani de Senis testibus.