• 5
  verso

Type:Institutional record
Language:Latin
Transcription Author: Matteo Mazzalupi
Published: yes
Publication Details: Published by U. Pasqui, Di Bartolomeo della Gatta monaco camaldolese miniatore pittore e architetto, Arezzo, 1926, pp. 19-20, note 3
Notes: Transcription by U. Pasqui revised by M. Mazzalupi.

• Transcription

Visitatio prioratus Sancti Clementis de Aretio. Eisdem anno, indictione, die et coram suprascriptis testibus etiam ad infrascripta omnia et singula vocatis, habitis et rogatis. Domnus Petrus Antonii de Deis de Florentia, prior Sancti Clementis de Aretio, prefati ordinis camaldulensis, sciens reverendum patrem dominum Petrum Delfinum, priorem generalem ordinis camaldulensis, ad ipsum prioratum venientem visitatum ut supra, pulsatis campanis et aperta ecclesia, cruce previa, eundem gratanter recepit et in sua sede et catedra collocavit et, decantato prius per quosdam monachos et prelatos "Te Deum laudamus" per totum et pluribus aliis in predictis consuetis, dictus prior genuflexus coram dicto domino priore generali, ut supra sedente et dictum prioratum pacifice possidente, tacto libro et scripturis quem ipse dominus generalis tenebat in manibus, iuravit corporaliter et promisit eidem domino generali, presenti, stipulanti et recipienti pro se et suis successoribus canonice intrantibus, obedientiam et reverentiam secundum regulam Sancti Benedicti et camaldulensis ordinis instituta et continuo eundem tanquam superiorem et maiorem suum et suos successores suscipere reverenter, nec non sibi suisque successoribus per omnia parere. Rogans etc.