Italian Renaissance Document Site

Eisdem millesimo, indictione et pontificatu et die quarta mensis martii. Actum Perusii in domo infrascripti Benedicti sita in porta Santi Petri infra suos confines, presentibus Bartolomeo Mariotti Brunacci de Perusio porte Solis et parochie Santi Florentii et Iacobo Andree de Perusia porte Solis et parochie Santi Severi, testibus ad hec habitis, vocatis et rogatis. Cum hoc sit quod inter Benedictum Bonfilii de Perusio porte Santi Petri et parochie Santi Petri ex una parte et dominam Giolivam filiam olim Menecutii et uxorem dicti Benedicti ex altera fuerit et sit lis, questio et controversia causa et occaxione quorumdam subsidiorum solutorum per dictum Benedictum pro dicta domina et etiam causa et occaxione expensarum solutarum per dictum Benedictum pro litibus per ipsum factis pro dicta domina, et volentes dicte partes inter se invicem concorditer componere et bonam fidem recognoscere, ideo devenerunt ad infrascriptam transactionem et contractum transactionis et quietis [nel testo "et quietatis" in interlinea con segno di inserzione], videlicet quia [nel testo "quia" depennato] dicta domina Gioliva per se et suos heredes, obligando se et omnia et singula sua bona mobilia et stabilia presentia et futura pro observatione infrascriptorum, agens hec omnia et singula de presentia, licentia, consensu et voluntate domini Petripauli de Raneriis de Perusio iudicis communis Perusii etcetera presentis et consentientis fuit confexa et contenta fuisse et esse et fore et esse debitricem dicti Benedicti in quantitatem quatraginta florenorum ad rationem XL bolonenorum pro quolibet floreno pro omni eo et toto quod dictus Benedictus patere et habere deberet a dicta domina Gioliva tam occaxione dictorum subsidiorum et dictarum expensarum quam etiam quacumque alia de causa, quos XL florenos ad dictam rationem promisit et convenit dicto Benedicto presenti, stipulanti et recipienti pro se etcetera dare et solvere ad eius petitionem et terminum et pro satisfactione ipsorum XL florenorum dicta domina Gioliva dedit et concessit in solutum et pagamentum dicto Benedicto presenti etcetera illam quantitatem terreni sive tenimenti terre ipsius domine siti in pertinentiis ville Santi Filitiani comitatus Perusii porte Santi Angeli, fines ab uno ... [ nel testo spazio bianco per aggiungere in un secondo tempo i confini che invece non sono stati più aggiunti] quam magister Angelus magistri Baldassarris pictor de Perusia presens et acceptans consignabit dicto Benedicto pro dictis XL florenis, quam ratam et quantitatem terreni dicta domina ex nunc se constituit precario nomine dicti Benedicti tenere et possidere, et promisit dicta domina de dicta rata et quantitate ullo umquam tempore litem aliquam non movere nec moveri facere per se vel alium nec moventi consentire sed potius legitime omni tempore ab omni homine comuni collegio et universitate defendere et auctoriçare et disbrigare omnibus ipsius domine sumptibus et expensis iudicibus decimis et advocatis et in se iuditium et causam suscipere statim lite mota et intelligatur lix mota per unicam baiuli citationem ius denunptiandi ex pacto remittens. Et hoc fecit dicta domina pro eo quia dictus Benedictus per se et suos heredes, obligando se et omnia et singula sua bona mobilia et stabilia presentia et futura pro observatione infrascriptorum fecit finem et refutationem et pactum de ulterius non petendo dicte domine Giolive presenti etcetera de omni eo et toto quod ipse Benedictus petere posset ab ipsa domina tam occaxione [c'è il segno di abbreviazione sopra "occaxione" ma la parola è completa] dictorum subsidiorum et expensarum ut supra quam etiam alia quacumque de causa et occaxione usque in presentem diem ["diem" in sopralinea con segno di inserzione nel testo] ita quod presens refutatio sit generalis et generalissima, et hoc fecit pro eo quia versavice dicta domina per se et suos heredes obligando se et omnia et singula sua bona presentia et futura pro observatione supra et infrascriptorum fecit finem et refutationem dicte Benedicto presenti etcetera de omni eo et toto quod ab eo potere posset usque in presentem diem quacumque causa et occaxione ita quod presens refutatio usque in presentem diem sit generalis et generalissima. Renunptiantes dicte partes inter se invicem exceptioni etcetera iuraverunt etcetera sub pena CCCCC librarum denariorum etcerera et promiserunt facere confexionem etcetera.

Record of a dispute between Benedetto Bonfigli and his wife Gioliva. The wife cedes to the husband a plot of land in San Feliciano in lieu of a debt of 40 florins, Perugia.