Italian Renaissance Document Site

Provisio quod solvatur magistro Benedicto de pictura [il titolo della rubrica è scritto nel margine sinistro del foglio] Item cum pro parte magistri Benedicti Bonfilgli pictoris fuerit pluries exposita querimonia narrando se obligasse per publicum instrumentum ad picturam capelle palatii magnificorum dominorum priorum et demum cepta pingi et fuerit [nel testo "fuit" senza segno di abbreviazioni] etiam per quendam fratrem Filippum peritissum in arte pictorum tanquam arbitrum electum pro parte magnifici communis Perusii et dicti magistri Benedicti latum laudum manu ser Simonis Pauli tunc notarii magnificorum dominorum priorum declarantem et laudantem figuras et istorias depictas in dicta capella esse et fuisse bene et legaliter et condecenter depictas et de optimo auro et fino aççuro ultramarino et aliis bonis coloribus et dictum Benedictum teneri ad prosequendum dictum laborerium usque ad terram eo modo et forma prout ceptum est et comune Perusii teneri et obligatum esse ad dandum et solvendum dito Benedicto ducatos quadringentos largos pro pictura, coloribus, auro et argento et aliis oportunis inmictendis pro dicta pictura, prout sic vel aliter plenius et latius costat manu dicti ser Simonis, et post dictum latum laudum idem magister Benedictus in aliqua parte prosecutus fuit dictum laborerium et de picturis factis et servitu asserit debere recipere a prefato comuni florenos octuaginta vel circha ad rationem XL bolonenorum pro floreno et pluries dictas pecunia postulavit et minime habuerit, et stantibus predictis non prosecutus fuerit ad pingendum affirmando promissa sibi non fuisse observata, petiit denique sibi oportune provideri de solutione dicte quantitatis, et si magnificum commune Perusii et consilium priorum et camerariorum intendit et vult ut idem magister Benedictus opus ceptum deducatur ad finem petiit super hoc provideri de re certa et sibi assignari nomen debitoris a quo possit et valeat pecunias lucrandas percipere et exigere, et si predicta non placent magnificis dominis prioribus et camerariis humiliter petiit se liberari a pictura fienda et ex adverso ipse vult instrumentis celebratis et promissionibus factis sibi per commune Perusii, priores et capellanum renunptiare habitis tamen pecuniis lucratis, animavertentes itaque prelibati magnifici domini priores et camerarii picturam dicte capelle cedere in ornatum et decorem totius civitatis et palatii, actenta potissime pulcritudine picturarum et fama et ingenio dicti magistri Benedicti et si res ipsa non deduceretur ad optatum finem cederet in ignominiam totius rei publice Perusine et pecunie expense essent totaliter ammisse, volentes itaque in premissis debitum prebere remedium ut idem magister Benedictus valeat dictas picturas prosequi et finire cum de eius vita et morte nil certum haberi possit hiis itaque libratis et examinatis inter prefatos magnificos dominos priores die videlicet precedenti et facto, posito et misso partito ad bussulam fabas albas et nigras et sollenpniter obtento per omnes novem restituentes in bussulam fabas albas del sic, et hodie inter prefatos dominos camerarios factis propositis exibitisque consiliis et facto, posito et misso partito ad bussulam fabas albas et nigras et sollenpniter obtento per XLIIII camerarios restituentes in bussulam fabas albas del sic non obstantibus duabus fabis nigris in contrarium repertis del non, ex omnibus arbitriis, potestatibus, auctoritatibus et bayliis eisdem magnificis dominis prioribus et camerariis concessis et actributis per formam quorumcumque statutorum et ordinamentorum communis Perusii et omni meliori modo, via, iure et forma quibus magis et melius potuerunt providerunt et ordinaverunt quod dicto magistro Benedicto pro quantitate pecuniarum sibi debita a commune Perusii et etiam in futurum debenda pro pictura integra dicte capelle consignetur et assignetur nomen debitori, Bartolomei Gregorii ser Honofrii debitoris comunis Perusii in quantitate quingentorum florenorum ad rationem XXXVI bolognenorum pro singulo floreno, videlicet pro ea rata qua dictus magister Benedictus apparet in presentiarum creditor comunis Perusii et in futurum recipere tenebitur pro dicta pictura usque ad concurrentem quantitatem quadringentorum ducatorum largorum de Florentia, detracta tamen quantitate habita per dictum magistrum Benedictum a prefato communi et ab aliis nomine dicti comuni et quod presente, magnifici domini priores debeant ac possint eligere unum vel duos camerarios pro qualibet porta, qui magnifici domini priores et camerarii sic eligendi habeant plenum et plenissimum arbitrium, potestatem, facultatem et bayliam prout presens consilium magnificorum dominorum priorum et camerariorum firmando pacta et conventiones cum dicto magistro Benedicto et ad obligandum comune Perusii et dictum magistrum Benedictum et ad observandum promissa et promictenda hinc inde dummodo dictus magister Benedictus caveat de observando promictenda per ipsum et ad faciendum refutationem communi Perusii de quantitate habita a communi ["a communi" in sopralinea con segno di inserzione nel testo] et sibi promictenda per dictum Bartolomeum et ad curandum ita et taliter quod dictus Bartolomeus dictam promissionem faciet dicto magistro Bartolomeo [sic], et predicta omnia fieri debeant per dictos camerarios infra unum mensem proxime futurum, et si facta et conclusa non essent presens lex non sortiatur effectum et habeatur pro non facta et remaneant omnia in pristino statu prout erant ante presentem promissionem, aliquibus in contrarium disponentibus non obstantibus.

The communal authorities decide to pay Benedetto Bonfigli his dues for the decoration of the palace chapel, resolving to liquidate the sum of four hundred ducats. Perugia.