Italian Renaissance Document Site

Conventio facta inter commune Perusii et magistrum Benedictum Bonfilgli super pictura capelle [il titolo della rubrica è scritto nel margine sinistro del foglio] Millesimo CCCCLXVIIII, indictione secunda, tempore sanctissimi in Christo patris et domini domini Pauli divina providentia pape secundi, die decima decembris. Actum Perusii in palatio magnificorum dominorum priorum artium civitatis Perusii in camera nova palatii novi residentie primi domini prioris pro arte mercantie, presentibus Margarisse ... de Perusio porte Heburnee et Serpentino Iannocti de Lombardia habitatore Perusii in porta Sancti Petri, testibus ad infrascripta habitis, vocatis et rogatis. Cum hoc sit quod sub millesimo CCCCLIIII, die secundo mensis decenbris, fuerit inter magnificum commune Perusii, dominos priores tunc in offitio et magistratu residentes et eximium decretorum doctorem dominum Uguitionem Fatii tunc capellanum palatii magnificorum dominorum priorum ex una et magistrum Benedictum Bonfilgli de Perusio porte Sancti Petri ex altera fuerit deventum ad conventiones et pacta super et pro pictura capelle palatii magnificorum dominorum priorum cum pactis, modis et condictionibus in cedula et in instrumento cedule confecte de partium voluntate manu ser Iohannis Ranutii de Perusio tunc notarii magnificorum dominorum priorum, et fuerit de partium voluntate remissa quantitas tunc debenda dicto magistro Benedicto pro integra pictura dicte capelle in quendam fratrem Filippum de Florentia ordinis Carmelitarum, et demum idem magister Benedictus in aliqua parte prosecutus fuerit picturas et istorias dicte capelle, et sub millesimo CCCCLXI, die undecima septembris, manu ser Simonis Pauli tunc notarii magnificorum dominorum priorum idem frater Filippus, in quem fuit factum compromissum super pictura facta per dictum magistrum Benedictum in capella nova palatii, videlicet de medietate dicte capelle iam depicte et de pretio sibi debito, visis dictis picturis et laborerio dicte capelle sententiavit, condenpnavit et declaravit dictas picturas factas et operas inmissas in dicta capella fuisse et esse bene factas et fuisse et esse recipientes, item dixit et declaravit comunitatem Perusinam et dominum Uguitionem capellanum predictum teneri et obligatos esse dicto magistro Benedicto ad dandum et solvendum et quod dent et solvant eidem magistro Benedicto pro pictura totius dicte capelle, computato etiam laborerio et pictura iam facta in dicta capella, florenos largos de Florentia quadringentos, computata in dicta quantitate pecuniarum huc usque habita per dictum magistrum Benedictum pro dicta pictura a dicto domino Uguitione; item quod cum illa quantitate solum eidem debeatur quantitas quandringentorum florenorum largorum de Florentia et quod dictus magister Benedictus teneatur prosequi dictas picturas in dicta capella usque ad perfectionem picturarum eiusdem qualitatis et condictionis prout nunc sunt ille depicte et facte per ipsum Benedictum in pariete dicte capelle versus palatium veterem prefatorum magnificorum dominorum priorum, pingendo ipsam capellam usque ad spazzum et supra coros, conmictendo in picturis fiendis ubi opus fuerit azzurum finum ultramarinum et aurum finum sumptibus dicti magistri Benedicti, et cum condictionibus in dicta cedula contentis, deinde idem magister Benedictus prosecutus fuit dictas picturas in aliqua parte et ipsas minime perfecit, culpa, ut dictus magister Benedictus asseruit, capellani palatii dominorum priorum qui dicto magistro Benedicto non provisit de pecuniis sibi debitis de picturis factis et in presentiarum innotuit dicto magistro Benedicto qualiter per utrumque collegium magnificorum dominorum priorum et camerariorum fuit eidem magistro Benedicto pro residuo sue integre mercedis, que ascendit ad summam trescentorumseptuaginta florenorum ad rationem XXXVI bolognenorum pro quolibet floreno, consignatum nomen debitoris seu debitorum Bartolomei Gregorii et fratrum, debitorum communis Perusii in quantitate quingentorum florenorum ad dictam rationem, cum fideiussoribus prestitis per eos communi Perusii manu ser Bartolomei Raynaldi, cum hoc, quod dictus magister Benedictus promictat et caveat dictam capellam totam et integram manu sua propria pingere secundum formam cedule et laudi ac instrumentorum de quibus supra fit mentio, videlicet quod quolibet semestri depingat unam istoriam, salvo legitimo inpedimento mortis et seu infirmitatis dicti magistri Benedicti et seu pestis vigentis in civitate Perusii, et si esset in mora, quod obliget se et fideiussores prestandos per ipsum in forma debita ad dandum et solvendum comuni Perusii pro danpnis et interesse florenos vigintiquinque pro qualibet istoria per ipsum non depingenda infra tempus et terminum sex mensium, prout in lege seu legibus supra editis manu mei notarii infrascripti latius continetur, animavertens etiam dictus magister Benedictus hoc cedere in comodum suum non modicum et volens ac intendens omnia ad que tenetur secundum formam cedule manu dicti ser lohannis confecte et laudi lati per dictum fratrem Filippum et instrumenti celebrati manu dicti ser Simonis Pauli executioni mandare et de novo se obligare pro observantia dicte legis seu legum et provisionum supra editarum, acceptante primo idem magister Benedictus leges editas et consignationem factam una cum fideiussoribus prestitis per ipsos manu dicti ser Bartolomei Raynaldi, non tamen infringendo in [nel testo "qua" depennato] aliqua parte cedulam et instrumentum cedule manu dicti ser Iohannis confecte, laudum latum per dictum fratrem Filippum nec instrumentum celebratum manu dicti ser Simonis Pauli, de quibus omnibus supra fit mentio, nisi quoad terminum picture, non recedendo ab omnibus in dictis cedula, laudo et instrumento contentis, set potius insistendo et ratificando et approbando omnia in instrumentis contenta, quibus quoad predicta per hoc presens instrumentum non intelligatur in aliqua sui parte recessum nec derogatum, set in sua roboris firmitate persistant, devenit idem magister Benedictus una cum infrascriptis magnificis dominis prioribus et dominis camerariis ut supra electis ad infrascriptum contractum promissionis et pactorum, videlicet quia idem magister Benedictus Bonfilgli per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, promisit et convenit prelibatis magnificis dominis prioribus omnibus decem nec non infrascriptis dominis camerariis electis per prelibatos magnificos dominos priores iuxta arbitrium eis actributum per consilium dominorum camerariorum, videlicet Petro Oddonis de nobilibus de Monte Ubiano, Valmario Mariocti Nicolai de Baleonibus, Gnagni Ansidei, Nicolao ser Nelli, Filippo domini Benedicti, Gentili Filippi, Petro Sinibaldi, Felici Macthei Francisci et Batiste Mei Seraceni, novem ex decem camerariis electis ut supra, absente tamen Gnagne Vannutii ad predicta eorum socio collega tamen legitimo requisito et michi Francisco domini Iacobi notario infrascripto ut publice persone, presentibus, stipulantibus et recipientibus pro magnifico communi Perusii et pro omnibus quorum interest, intererit et interesse poterit, quatuor istorias que restant depingi in dicta capella et totam dictam capellam pingere sua manu propria et secundum formam cedule, laudi et contractus ut supra celebrati, hoc modo, videlicet quolibet semestri unam istoriam, quod semestrale tempus incipiat et incipere intelligatur in kalendis mensis marcii proxime futuri et sic continuando subcessive, dictas istorias pingendo usque ad integram perfectionem et prout tenetur secundum formam cedule et instrumenti ut supra, pingendo ipsas de bonis et optimis coloribus, azzuro ultramarino et auro fino, prout depicta est paries dicte capelle versus palatium veterem magnificorum dominorum priorum, et hoc casu quo non obstaret legitimum inpedimentum mortis et seu infirmitatis dicti magistri Benedicti et obstante legitimo inpedimento pestis vigentis in civitate Perusii, taliter vigentis quod esset oportunum ad evadendum mortem aufugere et se a civitate Perusii absentare si vigeri contigerit, que omnia Deus advertat, quibus casibus, videlicet infirmitatis et pestis pro tempore quo [nel testo "idem" depennato] contigerit dictum magistrum Benedictum egrotare et durante eius absentia a civitate Perusii causa pestis ut supra, terminus semestrale non currat, et dictis casibus non advenientibus et ipso magistro Benedicto non pingente quolibet semestri unam istoriam ut prefertur, per sollenpnem stipulationem promisit prelibatis magnificis dominis prioribus, camerariis et michi Francisco notario infrascripto, ut supra stipulantibus et recipientibus, dare, solvere et effectualiter numerare pro danpnis et interesse [nel testo parola depennata] comuni Perusii pro qualibet istoria infra legitima tempora non depingenda ut prefertur florenos vigintiquinque, qui floreni vigintiquinque, ut dictum est, cedant loco danpnorum et interesse, omni exceptione iuris vel facti remotis, ad quam quantitatem vigintiquinque florenorum pro qualibet istoria et vice qualibet qua per ipsum magistrum Benedictum contrafactum fuerit, non obstantibus dictis inpedimentis de quibus supra, possit per quemcumque officialem communis Perusii realiter et personaliter cogi, et insuper idem magister Benedictus sub obligationibus predictis et obligando se ut supra fecit prelibatis magnificis dominis prioribus, dominis camerariis et michi notario infrascripto, ut supra stipulantibus et recipientibus, finem, refutationem, absolutionem, liberationem et pactum de ulterius non petendo de dictis quadringentis ducatis largis de Florentia sibi debitis a prefato magnifico communi Perusii et a capellano palatii magnificorum dominorum priorum. Et hoc fecit pro eo quia fuit confessus et contentus sibi a trescentisseptuaginta florenis supra ad rationem trigintasex bolognenorum pro quolibet floreno de quibus supra fuisse et esse a capellanis dicti palatii plenarie et integre solutum et satisfactum, remota spe future solutionis, et de dictis trescentisseptuaginta florenis fuisse sibi satisfactum per consignationem sibi factam et infra fiendam de nomine debitoris dictorum Bartolomei et fratrum et eorum fideiussorum, que solutiones facte per capellanos et quantitas predicta dictorum trescentorum septuaginta florenorum ad dictam rationem, ut ipse sponte affirmavit et presentibus supradictis testibus magnificis dominis prioribus, dominis camerariis et me notario infrascripto, ascendunt et faciunt summam dictorum quadringentorum ducatorum largorum de Florentia, et voluit obligationes factas per magnificum commune Perusii, dominos priores et capellanum quoad solutionem sibi fiendam de dictis quandringentis ducatis largis de Florentia esse cassas et cassa et cancellatas, promictens insuper quod de refutatis per ipsum nemini ius aliquod est datum, cessum vel concessum quod eisdem magnificis dominis prioribus, communi Perusii et capellano in aliquo nocere vel obesse possit, quod si datum, cessum vel concessum quomodolibet appareret, promisit ipsum ius reaquirere et prefatum commune Perusii, magnificos dominos priores et capellanum indenpnem, indenpnes et indenpnia conservare; et hoc fecit ex causis supra allegatis et expressis, et etiam pro eo quia prelibati magnifici domini priores et domini camerarii ut supra electi et nominati virtute arbitrii eis concessi per formam dictarum legum manu mei notarii infrascripti editarum, obligando omnia et singula bona communis Perusii presentia et futura pro observatione infrascriptorum in quantum opus sit, dederunt, cesserunt atque concesserunt dicto magistro Benedicto Bonfilgli, presenti, stipulanti et recipienti pro se et suis heredibus et cui ius suum concesserit seu concedere voluerit, in solutum et pagamentum pro dicta quantitate trescentorumseptuaginta florenorum ad rationem predictam trigintasex bolognenorum pro quolibet floreno, eidem magistro Benedicto debitorum pro residuo dictorum quadringentorum ducatorum largorum de Florentia pro integra mercede picture dicte capelle, nomen debitoris seu nomina debitorum Bartolomei Gregorii ser Honofrii et fratrum et fideiussores prestitos per dictum Bartolomeum et fratres et seu dictum Bartolomeum comuni Perusii manu dicti ser Bartolomei Raynaldi, in qua quantitate idem Bartolomeus [nel testo "et" non depennato] Gregorii ser Honofrii fuit confessus, presentibus prelibatis magnificis dominis prioribus, dominis camerariis, testibus prenominatis et me notario infrascripto, se esse verum debitorem communis Perusii, ponentes eundem magistrum Benedictum in locum dicti communis Perusii et ipsum procuratorem et dominum ut in rem suam propriam costituentes, ita ut a deinde et deinceps dictus magister Benedictus suo proprio nomine, utiliter et directe, in iudicio et extra possit agere, petere, causari, excipere, replicare, finire, refutare, experiri seseque tueri, confiteri et negare et omnia alia et singula facere, gerere et exercere que quilibet verus dominus de re sua propria facere potest et que facere poterat comune Perusii ante presentem contractum dationis in solutum et pagamentum; pro quo quidem magistro Benedicto et eius precibus et mandato Raynaldus Francisci magistri lacobi de Perusio porte Heburnee et parochie Sancti Stefani sollenpniter extitit fideiussor, qui sciens se ad infrascripta omnia non teneri set teneri velle ex certa scientia et non per errorem, ut principalis et privata persona, per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, promisit et convenit prelibatis magnificis dominis prioribus ["ut supra stipulantibus et" depennato], dominis camerariis et michi notario infrascripto, ut supra stipulantibus et recipientibus, se facturum et curaturum ita et taliter cum effectu quod dictus magister Benedictus omnia et singula per eum ut supra promissa faciet, tenebit, actendet et observabit, que omnia si non faciet de suo proprio nomine danpnorum et interesse solvere promisit dictam quantitatem vigintiquinque florenorum pro qualibet istoria ut supra, si per dictum magistrum Benedictum in aliquo contrafactum fuerit. Renunptiantes inter se ad invicem dicte partes una pars alteri et altera alteri singula singulis referendo exceptioni non facte dicte convencionis, promissionis, obligationis, acceptationis et non promissorum et non conventorum omnium et singulorum supra et infrascriptorum et non celebrati presentis contractus, et dictus Raynaldus fideiussor expresse renunptiavit exceptioni et beneficio de fideiussoribus et pluribus reis debendis et epistule divi [nel testo "divii"] Adriani et omni alii legum et iuris auxilio, consuetudini et statuto, que omnia et singula supra et infrascripta promiserunt inter se ad invicem dicte partes una pars alteri et altera alteri et dictus Raynaldus fideiussor, ac etiam iuraverunt ad sancta Dei evangelia corporaliter, manu tactis scripturis, predicta omnia et singula supra et infrascripta vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios sub ipotecha et obligatione omnium et singulorum bonorum magnifici communis Perusii, dictorum magistri Benedicti et Raynaldi fideiussoris presentium et futurorum et pena dupli dicte quantitatis, quam penam cum refectione danpnorum, expensarum et interesse pars non observans parti observanti et observare volenti solenpni stipulatione dare et solvere promisit, si per aliquam dictarum partium in aliquo contrafactum fuerit, qua pena soluta vel non, contractus iste sit ratus et firmus et plenam habeat roboris firmitatem, et voluerunt pro predictis omnibus conveniri posse Perusii, Florentie, Senis et ubique locorum et terrarum et ibi solutionem facere, et promiserunt inter se ad invicem dicte partes una pars alteri et altera alteri facere confessionem coram iudice communis Perusii et coram quolibet alio iudice conpetenti ad partis petentis petitionem et terminum.

Agreement between the Comune of Perugia and Benedetto Bonfigli for the completion of the paintings in the Palazzo dei Priori, Perugia.