• 24
  recto

Type:Institutional record
Language:Latin
Transcription Author: Matteo Mazzalupi
Published: yes
Publication Details: Published by I. Droandi, 'Le insegne della Fraternita dei Laici in XVI secolo: da Bartolomeo della Gatta a Giorgio Vasari', Annali aretini, X, 2002, pp. 17-18, and by C. Martelli, Bartolomeo della Gatta. pittore e miniatore tra Arezzo, Roma and Urbino, Florence, 2013, p. 361, doc. 39

• Transcription

Lochatio baldachini. Dicta die et locho, presentibus Iacobo domini Iohannis de Rosellis, Ieronimo Antonii Stefani et Iohanne Francisco Laurentii de Ghozaris civibus aretinis testibus. Congregati presentes domini rectores in numero sufficienti in locho eorum residentie, absente Nerio de Brandaglis eorum collega, servatis servandis et ottento partito per omnes fabas nigras datas pro sì, considerantes quod in festo sanctorum Laurentini et Pergentini, in quo eorum reliquia (!) portantur ad angulum Crucis ubi celebratur dictum festum, ac etiam in festo solempnitatis Corporis Christi in civitate Aretii non esse aliquem baldachinum recipientem in dictis festivitatibus et solempnitatibus et quod esset opus laudabilissimum unum esse in civitate Aretii et ad illud faciendum tamquam opus pium magis fieri debere per dictam fraternitatem, que est domus pia, quam aliter, igitur omnibus consideratis pro honore communis et civitatis Aretii et ad honorem et reverentiam dicti Sanctissimi Corporis Christi et dictorum sanctorum Laurentini et Pergentini dictum baldachinum fieri decreverunt et illud ad bene, magnifice et ornatissime faciendum cum infrascriptis figuris lochaverunt venerabili viro domno Piero Nicholai (!) de Deis de Florentia, abbati abbatie Sancti Clementis de Aretio ordinis chamaldulensis, presenti conducenti et acceptanti, sub infrascripto modo et forma, videlicet quod dictus domnus Pierus abbas prefatus teneatur facere dictum baldachinum a parte superiori cum drappo azurro diguado et in medio figuram Virginis Marie de Misericordia et duos angelos et unum tondum magnum quantum est distantia dicte partis superioris, missum ad aurum, richum et distantem secundum convenientiam drapellorum circha pendentium, et in residuo campi facere stellas aureas aut radios de auro, prout videbitur ditto domno Piero abbati, et quod in ditta superficie sive, ut ita dicam, celum ponatur ad minus tantum aurum valoris duorum duchatorum et figura predicta sit adeo pulcra et ornata quod correspondeat illis figuris drapellonum pendentium circha, et foderatum desuper de panno vallessi azuri sottilis et quod in dicta summitate sive celo mittere teneatur astes sex, pittos choloris rubei, et cum astes (!) circhum bene compositum. Ac etiam teneatur et debeat ponere subtus clamidem Virginis Marie in ditta summitate sive celo et pingi figuras retrattas in naturali omnium suprascriptorum rectorum lochatorum, volentes et casu quo dicti rectores voluerint, et figuram notarii, provisoris et camerarii, casu quo spatium comportabit. Et etiam teneatur et debeat dictus dominus abbas facere figuras infrascriptas in drapellonibus qui esse et stare debeant circhum, videlicet figuram Corporis Christi cum cruce et chalice in quatuor drapellonibus, figuram sancti Donati avochati nostri in quatuor drapellonibus, figuram sanctorum Laurentini et Pergentini in quatuor drapellonibus, figuram sanctorum Gaudentii et Chalomati in quatuor drapellonibus, figuram sancti Iohannis Batiste in duobus drapellonibus, figuram sancti Stefani in duobus drapellonibus, figuram sancti Sebastiani in duobus drapellonibus, figuram sancti Rochi in duobus. Quas quidem figuras fieri debeat et teneatur cum frangis circhum rubeis et in pede lungis sex digitis et de illa et cum illa ratione drappi in quo fecit diebus preteritis unum drapellonem cum figura sancti Donati, deauratis in summa perfectione et cum bonis et dignis choloribus, ita quod tempore pluvie non deficiant in choloribus et auro. Que omnia et singula predicta teneatur dictus dominus abbas facere suis expensis et, cum omnia et singula suprascritta per eum fuerint bene et diligenter facta et finita, dictus dominus abbas conductor habere debeat a dicta Fraternitate florenos nonaginta sex auri in auro larghos, de quibus ad presens dicti rectores sibi stantiaverunt pro parte dicti pretii libras trecentas quinquaginta quatuor florenorum, ut constat manu mei notarii in libro stantiamentorum Fraternitatis.