Italian Renaissance Document Site

[...]. Cunctis pateat evidenter qualiter, vacante ecclesia Sancti Laurentii de Cacciano predicte diocesis per obitum domini Nicolai Antonii de Deis, monaci camaldulensis, ultimi rectoris eiusdem, et per cessionem et renuntiationem predicta vel alio quocunque modo vacare contingat, idcirco prefatus reverendus in Christo pater et dominus Cosma de Pactiis, Dei et Apostolice Sedis gratia episcopus aretinus, volens et intendens eidem ecclesie sic vacanti provvidere, ne per vacationem huiusmodi dispendium aliquod patiatur, faciens tamen infrascripta in presentia et cum expresso consensu Petri Francisci Antonii alias dicto Tredotio, farsettarii de Aretio, ut sindici et procuratoris hominum parrocchianorum supradicte ecclesie Sancti Laurentii, asserentium se esse patronos et existentes in quasi possessione iuris eligendi et presentandi rectorem ad dictam ecclesiam pro una voce, prout de suo mandato speciali constat publice manu ser Andree Antonii de Marrochiis notarii publici aretini rogati die [*****] presentis mensis octobris Aretii, et discreti viri ser Buonidei ser Antonii de Cacciano predicto, notarii et civis aretini, asserentis se esse compatronum et existere in quasi possessione iuris eligendi et presentandi ad dictam ecclesiam pro alia voce, omnium dictis nominibus presentium et pro hac vice tantum infrascriptis expresse consentientium, Christi igitur et Marie Virginis matris eius gloriose nominibus invocatis, omnibus meliori modo, via, iure, causa et forma quibus magis ac melius de iure potuit ac potest, prefatam ecclesiam, sic vel alio quocunque modo vacantem et ad sui meram collationem de iure ad consuetudinem spectantem, canonice contulit atque dedit et de ea etiam provvidit venerabilem patrem dominum Petrum Antonii de Deis, modernum priorem Sancti Clementis de Aretio, monacum camaldulensis ordinis, super hoc tamen et quoad hoc per Sedem Apostolicam dispensatum, presentem et cum reverentia recipientem et acceptantem, ipsunque instituit rectorem eiusdem et de ea et de eius bonis per bireti immissionem [...]liter investivit, curam et regimen et administrationem dicte ecclesie et eius honorum in spiritualibus et temporalibus committendo eidem, presenti et recipienti ut supra. Qui iurando ad sancta Dei evangelia, his corporaliter manu tactis at (?) delactionem dicti domini episcopi deferentis, promisit dicto domino episcopo, presenti, stipulanti et recipienti pro Sacrosancta Romana Ecclesia et eius summo pontifice, dictoque domino episcopo et eius canonice successoribus, eisdem et eorum omnibus reverentiam et obeddientiam semper facere et exibere debitam et devotam [...].

Bartolomeo della Gatta is elected rector of the parish church of San Lorenzo di Cacciano, near Arezzo, following the death of his brother Niccolò.