• 96
  recto

Type:Notarial
Language:Latin
Transcription Author: Nicoletta Baldini
Published: yes
Publication Details: Published by N. Baldini, La bottega di Bartolomeo della Gatta. Domenico Pecori e l'arte in terra d'Arezzo fra Quattro e Cinquecento, Florence, 2004, p. 329, doc. 30
Notes: Transcription by Nicoletta Baldini revised by Matteo Mazzalupi.

• Transcription

Eisdem anno, indictione et pontificatu, die quarta februarii. Actum in abbatia Sancte Marie de Ingradibus in lodia superiori et presentibus dompno Dominicho Pieri de Florentia, monacho ordinis kamaldulensium, ser Marcho Angeli de Terra Nova, Nicholao Marci Vincioli et Rocho Sancti de Venere calzolaio de Aretio, testibus etc. Constat manu mei notarii infrascripti in effectu qualiter Bernardinus Pauli Fabiani de Aretio vendidit Bernardino, Mactie et Vincentio fratribus et filiis Antonii Diedi de Panzano calzolariis, civibus aretinis, unam domum cum orto et puteo positam in civitate Aretii in Porta Fuori, contrata Rugha Mastra, iuxta bona heredum Iohannis Stefani Baldini de Aretio et iuxta aliam domum dicti Bernardini, viam Communis et alios fines etc., pro pretio florenorum [*****] […]. Cum sit etiam quod domus prefata una cum alia domo ditti Bernardini fuerunt et sunt censuate ecclesie abbatie Sancte Marie de Ingradibus de Aretio in solidis decem in totum pro quolibet anno, ut dixerunt dictus venditor Bernardinus Pauli, Mactias et infrascriptus dominus abbas, unde hodie hac suprascripta die dominus Pierus de Deis de Florentia, abbas Sancti Clementis ordinis camaldulensium, aretine diocesis, et ut abbas dicte ecclesie Sancte Marie prefate [...], asserens et adfirmans se habere notitiam et plenam cognitionem et scientiam dicte venditionis domus prefate, ut supra facte dictis Mactie, Bernardino et Vincentio per dictum Bernardinum Pauli de domo prefata, censuaria ditte abbatia de Ingradibus […] ratificavit, aprobavit et consensit supradicte venditioni facte de domo prefata […].