• 
  unpag

Type:Poem
Language:Latin
Transcription Author: John Shearman
Published: yes
Publication Details: Caius Silvanus Germanicus, 'In statuam Leonis Decimi Pont. Max. Sylva' published con 'In pontificatumclementis Septimi Pont. Opt. Max. Panegyris Prima', Roma 1524 (data in colophon 21 dicembre 1523)

• Transcription

Saepe Leo infandasque vices, sortemque malignam Roma tuam doluit. Qualem te fata negarunt Impia barbaricusque furor, flammaeque nocentes, Temporibus nostris, talem sub pectore grandi Concipit, ac nimium casus miseratur acerbos Mirus amor, postquam delubra minantia coelo Divorum convulsa iacent, fastigia postquam Nullius superant aedis super aethera notae. Ut saltem veteris vestigia certa figurae Nota forent, reserare latentia iussit ab imo Fundamenta solo, et pictis mandare tabellis. Sed tanti artificem monumenti in limine primo Sustulit, ac claris mors obstitit invida coeptis.