• 94
  verso

Type:Notarial
Language:Latin
Transcription Author: John Shearman
Published: yes
Publication Details: Magherini Graziani, “Documenti inediti relativi al “San Nicola da Tolentino” and allo “Sposalizio” di Raffaello', in 'Bollettino della R. Deputazione di Storia Patria per l’Umbria', XIV 1908, p. 89; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 71-3.
Notes: The document appears on the following folios: cc. 94v-95r.

• Transcription

1500 Die x decembris. In presentia mei notarii, et testium infrascriptorum: personaliter constituti spectabilis vir Andreas Tome Baronci de dicta civitate et magister Rafael Johannis Santis de Urbino et Vangelista Andree de Plano Meleto pictores, [per se] et eorum [heredes], sponte etc., devenerunt ad infrascriptam conventionem, videlicet, quia ad invicem pepigerunt [sic] quod dicti magistri Rafael et Evangelista deberent, eorum sumptibus, facere unam tabulam altaris capelle dicti Andree, site in ecclesia Sancti Augustini, cum illis figuris quibus dicet idem Andreas, de bonis picturis et coloribus ad usum boni pictoris et magistri. Et ita prefati magistri, per se et eorum heredes etc., promiserunt dicto Andree, presenti et acceptanti, facere et adimplere. Et dictus Andreas, per se et suos heredes etc., promisit predictis magistris presentibus, stipulantibus et recepientibus, pro se et eorum heredibus, pro dicta pictura et structura dicte tabule, ducatos triginta tres auri largos solvendos per ipsum Andream in tribus pagis seu vicibus, videlicet tertiam partem in principio dicte tabule ut possint dicti magistri se providere de coloribus, et aliam tertiam partem in medio operis ut possint vivere, et aliam tertiam pagam in fine operis, et completa dicta tabula ut dictum est. Et ita dictus Andreas promisit solvere etc., et predicti magistri promiserunt facere et adinplere omnia et singula suprascripta, pro quibus quidem magistris Rafaele et Evangelista et pro securitate dicti Andree, magister Baptista Floridi aurifex dicte civitatis solemniter fideiussit etc., et promisit quod predicti magistri observabunt et adinplebunt omnia et singula suprascripta, alias promisit reficere expensas, ducatos et interesse etc. Et predicti magistri Rafael et Evangelista promiserunt dicto magistro Baptiste eum conservare indemnem etc. Que omnia etc., promiserunt etc., sub pena dupli etc., sub obligatione honorum etc., renunptiantes exceptionem doli etc. Et inducerunt predicti magistri Rafael et Evangelista, pro premissis omnibus et singulis observandis, posse convenire etiam astringi hic in Civitate Castelli, Urbini et ubique locorum, usque ad integram satisfactionem predictorum omnium et dannorum et expensarum etc., jurantes etc. Rogante me nominibus infrascriptis etc., pro quibus etc. Actum in Civitate Castelli in ecclesia Sancti Augustini, presentibus domino Cherubino Lodovici Trisi et Anibale Bartolomei de dicta civitate, testibus etc.