Location: Archivio di Stato di Firenze
Sub-Location: Notarile Antecosimiano, n. 4282
  • 7
    recto
Type:Notarial
Language:Latin
Transcription Author: Maria Luigia Orlandi
Published: yes
Publication Details: M.L. Orlandi, 'Benozzo Gozzoli a Pisa. I documenti (1468-1495)', Ospedaletto, 1997, pp. 98-100

Bartolomea, daughter of Benozzo di Lese, is married to Pietro di Francesco di Paolo Sconditi, in Rometario di Barberino in Mugello. Benozzo promises a dowry of 400 florins. Pisa.

Artist(s): Benozzo Gozzoli
Dates: 8.4.1482
In nomine Patris et filii et Spiritus Sancti, amen. Magister Benozius olim Lesis pictor de Florentia Pisis commorans in cappella Sancti Simonis Portemaris iuravit, ad sancta Dei evangelia, super animam suam et super animam domine Bartholomee filie sue quod ipsa domina Bartholomea accipiet Petrum Francisci de Barberino spetiarium Pisis commorantem in suum et pro suo viro Iegitimo et eum pro suo viro Jegitimo toto tempore vite sue habebit et tenebit et, eo vivente, alium virum non accipiet vel habebit, et per sollemnem stipulationem supra­scriptus magister Benozius convenit et promisit dicto Petro dare et sol­vere eidem Petro sive alii legitime persone pro eo recipienti, pro dote et nomine dotis ipsius domine Bartholomee, florenos quatuorcentum de sigillo, hoc modo videlicet: florenos trecentos decem octo cum dimidio de chredito Montis et de denariis Montis communis Florentie, in quibus dicta domina Bartholomea est descritta (sic) chreditrix in et super libris dicti Montis pro sua ipsius domine Bartholomee dote, et florenos octuaginta unum cum dimidio de sigillo promisit dare et sol­vere dictus magister Benozius de sua pecunia propria, hoc modo vide­licet: partim in pecunia numerata et partim in donamentis, secundum stilum et consuetudinem civitatis Florentie, alioquin [ad] penam dupli etc., et omnes expenses etc., obligando et renuntiando etc. Quare su­prascriptus Petrus iuravit, ad sancta Dei evangelia, super animam suam, tactis corporaliter scripturis, quod ipse Petrus accipiet, desponsabit et ducet dictam dominam Bartholomeam in suam et pro sua uxore legiti­ma et eam pro sua uxore Iegitima toto tempore vite sue habebit et tenebit || [et], ea vivente, aliam uxorem non accipiet atque habebit; insuper et sub eodem iuramento dictus Petrus convenit et promisit dicto magistro Benozo, stipulanti et recipienti pro dicta domina Bartholo­mea etc. licet absenti, quod, facta sibi solutione dicte dotis, faciet ei­dem domine Bartholomee, sive alii Iegitime persone pro ea recipienti, donationem propter nuptias et nomine antefacti de libris quinquaginta, secundum formam statutorum et ordinamentorum communis Floren­tie, que statuta communis Florentie in presenti instrumento ac etiam in instrumento confessionis dicte dotis servare voluerunt dicte partes ex pacto habito inter eos ita et taliter quod in qualibet parte presentis in­strumenti et in restitutione dotis, si casus extiterit, et in constitutione antefacti et in omnibus dependentibus ab eo intelligatur et sit factum, promissum et stipulatum secundum formam, stilum et consuetudinem statutorum civitatis Florentie, alioquin [ad] penam dupli etc., et omnes expenses etc., obligando et renuntiando etc. Que quidem omnia et sin­gula dicte partes convenerunt et promiserunt sibi ad invicem habere firma et tenere rata et executioni mandare bone fide et sine fraude, ro­gantes me etc., et dederunt michi licentiam etc. Actum Pisis in domo habitationis dicti magistri Benozi, presentibus egregiis viris domino Antonio Jacobi de Pisis honorando Operario Opere katedralis ecclesie pisane, Tanay Veri de Medicis de Florentia, Augustino Andree de Vivaia, Baptiste Mariani de Scorno Luca Francisci de Cavalcantibus cive fiorentino et pluribus aliis testibus, dominice incarnationis anno MCCCCLXXXIII, indictione XV, die VIII aprilis more pisano. Domina Bartholomea suprascripta consensit per verba de presenti in suprascriptum Petrum tanquam in suum virum legitimum et versavice suprascriptus Petrus consensit in dictam dominam Bartolomeam tanquam in suam uxorem legitimam et sic amborum interveniente con­sensu dictus Petrus dictam dominam Bartholomeam coram me Karolo notario et testibus infrascriptis duobus anulis aureis more solito de­ sponsavit etc. Actum Pisis in suprascripto loco, presentibus suprascrip­tis testibus, die suprascripto.