• 
  unpag

Type:Notarial
Language:Latin
Transcription Author: Giuseppe A. Centauro e Enzo Settesoldi
Published: yes
Publication Details: Published in Piero della Francesca. Committenza e pittura nella chiesa di S. Francesco ad Arezzo (con nuovi documenti inediti), edited by G. Centauro and E. Settesoldi, Poggibonsi 2000, pp. 247-249, doc. 0138, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 122-127, doc. CLII.
Notes: Transcription by G. A. Centauro and E. Settesoldi revised by M. Mazzalupi.

• Transcription

Procuratio magistri Petri et Marci de Francischis. In nomine individue Trinitatis amen. Anno a Nativitate Domini Domini nostri Ihesu Christi millesimo CCCCLXXIII , indictione VI, tempore et de per se et in solidum, sponte ex certa scientia et omni modo, via, iure et forma qua et quibus magis, melius ac validius fieri potuerunt ac debuerunt et de iure fieri possunt et debent et pro omni eorum et cuiusque ipsorum interesse et in solidum, fecerunt, constituerunt et ordinaverunt atque creaverunt eorum et cuiusque ipsorum, tam simul quam de per se et in solidum, verum et legiptimum procuratorem, actorem, factorem et certum numptium specialem et mandatarium ac negotiorum gestorem egregium virum Antonium, eorum dictorum magistri Petri et Marci fratrem carnalem et filium quondam dicti Benedicti, ibidem presentem et acceptantem et presens mandatum in se sponte suscipientem, specialiter et nominatim et expresse in causa seu causis, una vel pluribus, quam vel quas dicti constituentes tam simul quam divisim et de per se intendunt cum ser Iusto Iohannis de Anglari, occasione et ex causis contentis et descriptis et insertis et nominatis, ut asseruerunt, in instrumentis publicis scriptis et rogatis manu ser Raynerii Petri Pauli de Lucarinis de dicto Burgo, notarii publici inde rogati, et in dependentibus et emergentibus ab eisdem et quolibet ipsorum, quam etiam propter (?) aliis quibuscumque obligatis et nominatis in dictis instrum entis et quolibet ipsorum, et quacumque seu quibuscumque alia seu aliis occasionibus, ratione, iure vel causa seu causis, quomodocumque et qualitercumque hic habitis pro expressis et pro expecificatis, et etiam in causa seu causibus, una vel pluribus, cum Angelo Hyeronimi Baccii et cum heredibus Andree magistri Tomasii de civitate Aretii, et generaliter cum quibuscumque aliis personis, tam ecclesiasticis quam secularibus, loco, comuni, collegio, universitate, tam in curiis dominorum capitaneorum terre Burgi predicti quam in curia vicarii Anglaris et tam presentium quam futurorum, quam etiam in curiis dominorum capitaneorum et potestatis civitati Aretii tam presentium quam futurorum, quam etiam in curia domini potestatis civitatis Florentie tam presentis quam futurorum, quam etiam in quacumque alia curia tam ecclesiastica quam seculari et tam dictarum civitatum, terrarum et locorum quam cuiuscumque alio iudice, rectore vel offitiali, vicario, commisario, delegato et subdelegato, tam presenti quam futuro et tam ecclesiastico quam seculari, seu coram quibuscumque aliis officialibus, iudicibus, rectoribus et magistratibus cuiuscumque civitatis, terre, castri vel loci cuiuscumque mundi partium, tam ecclesiasticis quam secularibus, cuiuscumque dignitatis existentibus et quocumque officio fungentibus, et tam in accusando quam in defendendo, ad agendum, causandum, excipiendum, replicandum et defendendum, et libellum seu libellos, petitiones, terminos et dilationes dandum, petendum et recipiendum et protestandum, litem seu lites contestandum, de calumpnia iurandum et cuiuslibet alterius iuris iuramentum prestandum in animam et super animam dictorum constituentium et quolibet eorum ferendum et referendum, ponendum et articulandum, et positionibus et capitulis et articulis et interrogationibus preparatoriis ad iudicium dictorum constituentium et cuiuslibet eorum respondendum, petendum et faciendum et audiendum et productis per adversam partem respondendum, confitendum vel negandum, prout et sicut dicto eorum procuratori et mandatario et substituendo ab eo et cuilibet eorum videbitur et placebit et veritas suadebit, testes, instrumenta, probationes et iura quelibet dictorum constituentium inducendum et producendum et allegandum, ipsosque testes citari, reperi, moneri, iurari, recepi (?) et experiri petendum et faciendum, et eos et eorum dicta et relapsationes ac totum processum aperiri et publicari petendum et faciendum, et contra testes instrumenta, probationes et iura quelibet adverse partis opponendum, excipiendum et replicandum, et si opus fuerit de falso redarguendum et reprobandum, consilia petendum, iudices et consultores eligendum, et recusandum suspectos, et confidatos dandum, salaria deponendum et solvendum, in causa seu causis concludendum et allegandum, sententias et pronumptiationes tam interlocutorias quam diffinitivas ac precepta quecumque audiendum et pro se fieri et fieri faciendum, postulandum et acceptandum, et eas et ea exequendum et executioni mandari petendum et faciendum et a sententiis et pronumptiationibus, tam interlocutoriis quam deffinitivis, et a preceptis et aliis quibuscumque comminationibus appellandum et recurrendum et provocandum, et de nullitate, iniquitate, gravamine et iniustitia proponendum et allegandum ac deinde prosequendum et finiendum. Item ad faciendum gravari, capi et detineri et carcerari quoscumque debitores dictorum constituentium et cuiuslibet ipsorum et quomodocumque eis obligatos pro quibuscumque debitis et summis tam rerum et mercantiarum quam pecuniarum, quacumque occasione, iure vel causa dictis constituentibus et cuilibet eorum debitis, tam vigore suprascriptorum instrumentorum manu dicti ser Raynerii rogatorum in eis (?) quam etiam vigore eorumcumque (?) aliorum iurium et instrumentorum dictorum constituentium et cuiuslibet eorum, semel et pluries et prout et sicut dicto eorum procuratori et mandatario et substituto ab eo et cuilibet eorum videbitur et placebit. Item ad faciendum intestatari (?) et sequestrari nominibus dictorum constituentium et cuiuslibet eorum et pro dictis constituentibus et cuilibet eorum omnes et quascumque pecuniarum seu rerum et mercantiarum summam seu summas et quantitatem seu quantitates grani et bladorum et fructuum quomodolibet dictis constituentibus et cuilibet eorum obligatorum, tam dictorum ser Iusti et Angeli et heredum Andree magistri Tomasii quam etiam cuiusque alterius debitoris seu aliorum debitorum dictorum constituentium et cuiusque ipsorum, per quoscumque officiales, vicarios et capitaneos tam dicti castri Anglaris et dicte terre Burgi, civitatis Aretii et civitatis Florentie, quam aliarum civitatum, terrarum, castrorum et locorum, ubi vel in quibus predicta petita fuerint penes quemcumque hominem et personam, semel vel pluries, prout et sicut dicto eorum procuratori et mandatario et substituendo ab eo videbitur et placebit et expediens fuerit, et dictos captos et detemptos et innocentes relapsari facere et liberari semel et pluries et quotiens voluerint et eis et cuilibet eorum videbitur et placebit. Item ad intrandum et retinendum tenutam et corporalem possessionem omnium et singulorum et quorumcumque bonorum, tam mobilium quam immobilium, dictorum ser Iusti et Angeli et heredum dicti Andree et cuiuslibet eorum et presertim bonorum contentorum et descriptorum in dictis instrumentis supra allegatis manu dicti ser Raynerii, quam etiam aliorum quorumcumque bonorum aliorum et quorumcumque debitorum dictorum constituentium et cuiuslibet eorum quomodolibet eis obligatorum, debitorum et debendorum vel obligandorum, pertinentium vel expectantium et pertinendorum vel expectandorum vel adiudicandorum vel in quibus pronumptiatum fuisset vel pronumptiabitur in futurum tenutam et corporalem possessionem per aliquem vicarium, capitaneum, rectorem vel officialem tam dicti castri Anglaris et dicte terre Burgi et civitatis Aretii et civitatis Florentie, quam per alium iudicem et officialem cuiuscumque alterius civitatis, terre, castri vel loci, ubi vel in quibus predicta fierent, hic habitis pro expressis et pro expecificatis, et ipsa bona et res et de ipsis bonis et rebus quibuscumque petendum et accipiendum in solutum et pagamentum adiudicari sibi pro dictis constituentibus et pro quolibet ipsorum in solidum et pro ea extimatione et eo modo et forma prout et sicut dicto eius procuratori et mandatario et substituendo ab eo et cuilibet eorum semel et pluries videbitur et placebit, et generaliter ad omnes et quoscumque alios actus iudiciarios expedientes et opportunos circha predicta et quelibet predictorum et in connexis et dependentibus et emergentibus ab eisdem et quolibet ipsorum. Item ad petendum et exigendum et recipiendum et recuperandum et se habuisse et recepisse confitendum nomine dictorum constituentium et cuiuslibet eorum in solidum omnem et quamcumque et omnes et cuiuscumque pecuniarum seu rerum et mercantiarum et grani et bladorum et fructuum quantitatem seu quantitates sive summas constituentibus predictis et cuilibet eorum debitam seu debitas et in futurum debendam vel debendas tam per dictos ser Iustum et Angelum et heredes Andree quam etiam per quoscumque alios homines et personas, tam pro dictis occasionibus et causis ut supra allegatis, quomodocumque et qualitercumque et quacumque ratione, occasione, iure vel causa, tam per instrumenta quam sine, manu publicorum notariorum, quam per appodissas et scriptas tam manu dictorum debitorum proprie scriptas quam manu alterius cuiuscunque persone, et de receptis, habitis et confessatis et recuperatis absolvendum et publice vel private finiendum et quietandum quoscumque debitores dictorum constituentium et cuiuslibet eorum solventes et instrumentum finis, absolutionis, liberationis et pacti de non petendo faciendum semel et pluries et totiens et quotiens expediens et necesse fuerit. Item ad transigendum et paciscendum ac etiam compromictendum omnes et quascumque lites et questiones et causas et differentias dictorum constituentium et cuiuslibet eorum cum quibuscumque hominibus et personis, loco, comuni, collegio et universitate, de iure et de facto et de alto et de basso et de iure tantum et de facto tantum, in quoscumque arbitros et arbitratores et amicos comunes et amicabiles compositores, semel et pluries, prout et sicut dicto eorum procuratori et mandatario videbitur et placebit, et de (?) pro omnibus et singulis suprascriptis et quolibet predictorum contrahendum et contractus et instrumenta quelibet celebrandum seu super suprascriptis et quolibet predictorum contrahendum et contractus et instrumenta quelibet celebrandum seu celebrari faciendum, cum pactis, modis et condictionibus quibuscumque et cum appositione penarum et iuramentis in animas et super animas dictorum constituentium et cuiuslibet eorum, prout et sicut dicto eorum procuratori et mandatario videbitur et placebit, et obbligatione bonorum omnium et singulorum dictorum constituentium et cuiuslibet eorum in forma vallida et solepni de iure pro observatione omnium predictorum et infrascriptorum, et cum omnibus et singulis clausulis necessariis et opportunis et a iure requisitis in similibus circha predicta in quolibet predictorum et secundum formam statutorum et ordinamentorum et reformationum tam dicti castri Anglaris, dicte terre Burgi et civitatis Aretii et civitatis Florentie quam aliarum civitatum, terrarum, castrorum et locorum, et secundum stilum et morem bonorum notariorum cuiuscumque dictorum locorum, ubi, in qua vel in quibus predicta fierent et celebrarent, hic habitis pro expressis et expecificatis, et generaliter ad omnes et quoscumque alios actus iudiciarios expedientes et opportunos circha predicta et quelibet predictorum et infrascriptorum. Item ad substituendum loco sui ad causas unum vel plures procuratores et quot voluerit, et substitutos revocandum et alios de novo subrogandum semel vel pluries, prout et sicut sibi procuratori et mandatario videbitur et quotiens expedient (?), hoc presenti mandato in se semper firmo perdurante et permanente, et gene- raliter ad omnia alia et singula ex predictis et circha predicta et quelibet predictorum necessaria, utilia et opportuna et que quilibet verus et legiptimus procurator et mandatarius et numptius specialis facere et exercere potest et ipsimet constituentes facere et exercere possent si presentes adessent. Dantes et concedentes dicti constituentes et quilibet ipsorum in solidum dicto eorum procuratori et mandatario et substituendo ab eo et cuilibet eorum in predictis omnibus et singulis et quolibet predictorum plenum, liberum, speciale et generale mandatum cum plena, libera, speciali et generali administratione, licentia, auctoritate et potestate. Promictentes dicti constituentes et quilibet ipsorum in solidum dicto eorum procuratori et mandatario presenti et substituendo (?) ab eo, licet absenti, et michi notario infrascripto ut publice persone, presenti et stipulanti et legiptime recipienti pro eis et quolibet (?) ipsorum, et vice et nominibus omnium et singulorum quorum intererit vel interesse poterit quomodolibet in futurum, se perpetuo firma, rata et grata habere, tenere, facere et actendere et observare et adimplere omnia et singula fienda, gerenda, exercenda et procuranda per dictum eorum procuratorem et mandatarium et substituendum ab eo et quolibet eorum nominibus, aliqua ratione, iure, occasione vel causa, de iure vel de facto, sub ypotecha et obligatione omnium et singulorum suorum dictorum constituentium et cuiuslibet eorum in solidum bonorum presentium et futurorum. Et insuper, volentes dictum eorum procuratorem et mandatarium et substituendum ab eo et quemlibet eorum ab omni satisfactionis onere relevare, promiserunt et legiptime convenerunt dicto eorum procuratori et mandatario, presenti, et michi iam dicto et infrascripto notario, ut supra stipulanti et recipienti, de iure sisti (?) et indicate (?) solvendi (?) fideiubendo pro eis et quolibet eorum in omnem causam, casum, exitum et eventum, secundum formam iuris, sub ypotecha et obligatione predictorum omnium et singulorum suorum bonorum, presentium et futurorum. Rogantes me notarium infrascriptum ut de predictis omnibus et singulis publicum conficerem documentum.