Italian Renaissance Document Site

YHS (in margin:) Testamentum magistri Luce pictoris In Dei nomine amen. Anno, inditione et pontificatu iam dictis, die vero prima mensis Augusti. Actum in ecclesia sancti Dominici posita in suburbio porte Pecciograndis de civitate Cortone in terzerio Sancti Marci iuxta bona dicte ecclesie, plateolam, viam communis et alios fines siqui sunt etc. Presentibus ibidem venerabilibus religiosis fratre Vincentio quondam Salvatoris Berrettini priore dicti conventus Sancti Dominici, fratre Thoma Andree Nicolai, fratre Michelangelo olim Gori Francisci, fratre Petro quondam Vincentii Simonis Barnabei omnibus de Cortona fratribus profexis in supradicta religione sancti Dominici, Vincentio olim Petri Pauli Michelangeli carpentario, Petro Laurentio quondam Petri Pauli Antonii Spellis et Petro Cennis Angeli Cennis aluctario omnibus de Cortona testibus ad infrascripta omnia et singula vocatis, habitis et rogatis et ab infrascripto Luca testatore bene cognitis etc. Prudens ac circumspectus vir magister Luchas quondam Egidii magistri Venture pictor de dicta civitate Cortone, per gratiam domini nostri Yhesu Christi sanus mente corpore ingenii et intellectu, ut prudent(i) convenit, timens mortis casum et quantum cuius (?) ultima hora omnibus incerta est, nolens igitur dictus magister Luchas intestatus ex vita migrare, de bonis suis per presens nuncupativum testamentum, quod vulgo sine scriptis dicitur, in hunc infrascriptum modum et formam facere procuravit, disposuit et ordinavit ne post eius obitum aliqua inter aliquos scandali materia exoriri possit, sed potius eam evitare procurans. Et primo et ante omnia dictus testator, interrogatus a me Petro notario infrascripto in presentia suprascriptorum testium si eos et me Petrum notarium infrascriptum cognosceret et de omnibus nobis notitiam haberet, qui testator respondit et dixit dictos testes et me notarium infrascriptum bene cognoscere et de ipsis et de me notario infrascripto plenam notitiam et cognitionem habere. Item reliquit opere fabrice et seu ecclesie sancte Marie del Fiore de civitate alme Florentie omnem peccuniarum quantitatem in qua condens testamentum teneretur secundum ordinamenta statutorum civitatis Florentie predicte. Item, interrogatus dictus testator a me notario infrascripto et persuasus in presentia suprascriptorum testium quod relinqueret aliquid ad constructionem locorum ecclesie seraphici Sancti Francisci, Sancti Dominici, Sancti Augustini Aurelii, maior(is) domus Sancte Marie de Misericordia de Cortona et aliis piis locis pauperibus domini nostri Yhesu Christi, pro ut ex forma statutorum civitatis eiusdem requiritur testator persuaderi, interrogari et relinqui, qui testator respondendo dixit se nolle alia ad pias causas et pia loca leg[at]a et relicta facere nisi illa que infra apparebunt

Luca Signorelli makes a will in S. Domenico, Cortona.