• 182
  recto

Type:Notarial
Language:Latin
Transcription Author: James R. Banker
Published: yes
Publication Details: Published by E. Battisti, Piero della Francesca, Milan, 1971, II, p. 236, doc. CLXXIV (con la data 1482) and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 156-157, doc. CCVII.
Notes: Transcription by J.R. Banker revised by Matteo Mazzalupi.

• Transcription

Mandatum Angeli Guidonis de Pichis irrevocabile in priores. Suprascriptis anno, inditione et pontificatu, die vero vigesimo quarto mensis maii. Actum in Burgo Sancti Sepulcri in palatio solite habitationis et residentie domini capitanei dicti Burgi, presentibus Barnabeo Francisci Pauli Casutii et Geppe Mei Petri Iohannis Cole de dicto Burgo testibus etc. Cum sit assertione infrascriptarum partium quod Angielus olim Guidonis Giovachini de Pichis, heres eo nomine Nicolai Guidonis predicti, sit debitor in quantitate florenorum ottuaginta, salvo iure calculi, priorum Fraternitatis Sancti Bartolomei de dicto Burgo pro residuo florenorum centum relictorum per dictum Nicolaum in eius testamento pro constructione unius capelle dictis prioribus executoribus et eo nomine dicte capelle construende in Abbatia dicti Burgi et ad expendendum dictam quantitatem in constructione dicte capelle et ad ipsam capellam construendam et seu ipsam construi faciendam, sitque quod dicti priores executores predicti fieri fecerint dictam capellam et non habeat dictus Angelus heres predictus pecunias ad manus ex quibus possit satisfacere dictam quantitatem et propterea a dictis prioribus pro dicta quantitate molestetur, volens dictus Angelus ostendere quod facit et facere vult id quod potest et ne videatur velle differre dictam solutionem, sponte et ex certa scientiam et omni meliori modo, iure, via et forma quibus magis et melius potuit et debuit et fieri potest idem fecit, constituit, creavit et ordinavit eius veros et legiptimo[s] et irrevocabiles procuratores, actores, factores et certos numptios speciales dictos priores, presentes et acceptantes, ad vendendum, alienanandum (!), dandum, tradendum, cedendum et concedendum tot de bonis immobilibus, videlicet de petiis terrarum ipsius Angeli positis in villa Sancti Marini comitatus dicti Burgi, et de illis bonis et illa bona posita in dicta villa de quibus et que ipsis prioribus videbitur et placebit ad incantum sono tube premixa (!) et plus offerenti in platea communis que adscendant ad dictam quantitatem florenorum ottuaginta et de ipsarum pretio sibi ipsis solvendum (!) et sibi dictum pretium retinendum pro satisfactione dicte quantitatis florenorum ottuaginta pro satisfactione dicti legati eis facti per dictum Nicolaum pro constructione dicte capelle, et promisit et convenit ipsis prioribus, videlicet magistro Petro Benedicti de Franceschis, Angelo Andree Tani de Tanis et Iohanni Chriaci Palamedis, tribus ex quatuor presentibus prioribus Fraternitatis predicte, presentibus, stipulantibus et recipientibus pro se dictis nominibus et eorum successoribus in officio, ipsos non revocare etc. […].