• 94
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 172 (previously in A. Mariotti, 'Lettere pittoriche perugine. Memorie istoriche riguardanti le arti del disegno in Perugia', rist. anast. 1788, pp.147-148)

• Transcription

Locatio picturae facta Mag. Sancti ad depingendam tabulam Cappellae Palatii. Praefati M. D. P., collegialiter congregati, considerantes quod locatio facta Magistro Petro de Castro Plebis, pictori de dipingendo tabulam in Cappella Palatii, iam inceptam, non posse sortiri effectum propter eius absentiam, et cupientes dictam tabulam perfici debere per manus alicuius insignis Magistri, ut pictura dictae tabulae perficiatur, disposuerunt eam locare Mag. Sancti Pollonii de Perusio, Mag. idoneo ad depingendum, et stante prima promissione et obligatione habitis hinc inde cum dicto Mag. Petro, videtur iisdem Magn. D. Prioribus non posse se ad aliam obligationem accedere; sed quia iuris est quod frangenti fidem fides frangatur eidem, idcirco M. D. P. vice et nomine Comunis Perusii pro se et suis dederunt et locaverunt dicto Mag. Sancti, praesenti, ad depingendum dictam tabulam eo modo et forma et cum iisdem figuris, quemadmodum apparet fuisse concessam Mag. Petro; et promiserunt eidem Mag. Sancti pro sua mercede solvere flor. centum ad bol. 40 pro flor., modis et formis in promissione facta dicto Mag. Petro, detractis sumptibus factis usquemodo per dictum Mag. Petrum in decorando et deaurando dictam tabulam. Et hoc fecerunt pro eo quia dictus Mag. Sanctes promisit et convenit M. D. P. et notario dictam tabulam intra tempus unius anni perfectam, et depictam cum dictis fìguris restituere, etc. Et quadrectum quoddam desuper dictam tabulam, cum immaginibus undecim videlicet Magnificorum Dominorum Priorum et eorum Notarii de naturali, infra dies 50 prox. fut. perficiatur, etc.