• 
  unpag

Type:Notarial
Language:Latin
Transcription Author: Matteo Mazzalupi
Published: yes
Publication Details: Identified by E. Battisti, Piero della Francesca, Milan, 1971, II, p. 235, doc. CLXIV.

• Transcription

Predictis anno, indictione et pontificatu, die vero decimaseptima mensis ianuarii. Actum in Burgo in apotecha infrascriptorum emptorum posita in angulo sive cantone de Gratianis iuxta stratam publicam et bona filiorum Andree de Pichis et alios fines etc., presentibus Paulo Iohannis Scompeze et Piero Blaxii Brandi et Gaspare Pierpauli domini Peregrini de Pichis testibus vocatis et rogatis. Gorus et Simon fratres ad invicem et filii condam Simonis Thei dela Nera de villa Griccignani districtus Burgi, eorum propriis nominibus et vice et nominibus Salvadoris et Luce eorum nepotum et filiorum condam Benedicti Simonis predicti, pro quibus et quolibet ipsorum dicti Gorus et Simon de rato et rati habitione promiserunt et se facturos et curaturos ita et taliter cum effectu quod ratificabunt omnia et singula infrascripta etc., sponte et ex certa scientia per se et eorum heredes et subcessores dictis nominibus dederunt, vendiderunt et tradiderunt iure proprio et per allodium in perpetuum Marcho condam Benedicti Petri de Francischis de dicto Burgo, presenti et ementi, stipulanti et recipienti pro se ipso Marcho et eius proprio nomine et pro magistro Petro et Antonio eius fratrum (!) et pro eorum et cuiusque ipsorum heredibus et subcessoribus et eorum iura habituris, duas petias laborativas positarum (!) in dicta villa Gricignani, unam videlicet in contrata del Porcho […], aliam vero positam in dicta villa in contrata de la Vignola […] quod pretium ascendit ad summam et quantitatem librarum centumtrigintaseptem, soldorum octo, denariorum septem denariorum cortonensium […].