• 186
  verso

Type:Institutional record
Language:Latin
Transcription Author: D.E. McLellan
Published: yes
Publication Details: D.E. McLellan, 'Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning', unpublished doctoral thesis, Melbourne University, 1992, n. 238 (previously in L. Fumi, 'Il Duomo di Orvieto e i suoi restauri', Roma, 1891, pp.397-398 and in F. Canuti, “Il Perugino”, Siena, 1931, vol.2, pp. 137-138).

• Transcription

Mcccclxxviiii die xxviiii mensis decembris Congregatio servorum locumtenentis et conservatorum superstantium et civium super pictura cappelle nove Convocatis et congregatis infrascriptis videlicet reverendo patre domino Pascutio de Nardulene(?) locumtenente R.D. Gubernatoris civitatis Urbis veteris Francisco Dominici Aurifice Iacobo Francisci Zenobii Mag. Petro Nicole, pictore Eugenio Christofori et Pace Francisci [. . .] barberio Magnificis dominis Conservatoribus pacis, Urbevetano populo presidentibus Guerrerio Marci de Albericis Pulidoro Nalli de Benencasa Gianne Laurentii mercatore et mag. Iacobo Palimadessi sutore Superstantibus dicte fabrice una cum Antonio Simoncelli camerario ipsius fabrice ac etiam infrascriptis civibus videlicet et primo legum doctore domino Simone de Simoncellis Butio Iacobi Butii magistro Senso Bartholomei et magistro Senso Bartholomei et de voluntate et conmissione dicti camerarii requisitisper famulos dicte fabrice magistro Senso Bartholomei et pro negotiis ipsius fabrice utiliter peragendis in camera residentie dicti camerarii ipsius fabrice Quibus dominis locumtenente et conservatoribus superstantibus ac civibus ut supra congregatis dictus camerarius fecit infrascriptam propositam ad presens incumbentem in ipsa fabrica videlicet. Quod iam multis annis elapsis videlicet quadraginta quatuor vel circa fuit inceptum pingi cappella nova et ad huc sint pontes et numquam fuit prosequtum in dedecus dicte fabrice et ecclesie esset bonum quod compleretur ad honorem Dei et gloriosissime Virginis Marie et honorem ecclesie et totius civitatis Et nunc venit quidam magister Petrus Perusinus famosissimus pictor in tota Italia et apparet experientia in palatio apostolico Rome Qui ut dixit fecit ibidem multas picturas et si videtur quod conducatur et quomodo: Qui omnes presentes dominus locumtenens domini conservatores superstantes et civis ut supra congregati audita et intellecta dicta proposita unanimiter et concorditer habito super hoc colloquio et ratiocinio deliberaverunt quod dictus magister audiatur et ipso audito deliberabitur quid agendum sit; Qui magister Petrus comparuit in dicta congregatione et dixit vidisse dictam cappellam et quicquid fiendum sit in ea et petiit et dixit velle pro eius laboribus et mercede dicte picture ducatos mille quingentos omnibus suis expensis et pingere a cordonibus supra exceptis pontibus calce et arena que intendit habere camerario predicto.