• 187
  recto

Type:Institutional record
Language:Latin
Transcription Author: D.E. McLellan
Published: yes
Publication Details: D.E. McLellan, 'Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning', unpublished doctoral thesis, Melbourne University, 1992, n. 239 (previously partially published in L. Fumi, 'Il Duomo di Orvieto e i suoi restauri', Roma, 1891, p. 398 and in F. Canuti,“Il Perugino”, Siena, 1931, vol.2, p. 138).

• Transcription

Die trigesima mensis decembris Congregatio domini locumtenentis conservatorum superstantium et civium super pictura cappelle Secundum relationem magistri Gaspari notarii fabrice factam per egregium virum ser Basilium Bonserani rogatum de infrascriptis propter absentiam meii notarii qui dixit et apparet eius manu se rogasse de infrascriptis dicto die hoc modo scriptis videlicet. Cohadunatis ad requisitionem camerarii fabrice videlicet Antonii de Simoncellis in audientia fabrice Reverendus dominus locumtenens magnifici domini conservatores pacis reverendus pater dominus Nicolaus Gigans archipresbiter Carlectus de Corbaria comes dominus Albertus Magaloctus dominus Simon de Simoncellis Monaldus Fascioli Guerrerius de Albericis Pulidorus Nalli Victorius Benedicti Gianne Laurentii magister Iacobus Palamadesse magister Sentius Bartholomei et ser Iohannes Franciscus Baptiste Coram quibus per dictum camerarium fuit propositum quod cum ad presens pervenerit in civitate quidam magister Petrus excellentissimus pictor et in ecclesia sit incohata cappella nova et pro honore dicte ecclesie et comunitatis esset bonum expedire aut prosequi ipsam picturam si placet quod ipse magister conducatur et pro quanto pretio petit consulere quid fiendum sit Giannes Laurentii predictus dixit quod mictatur ad partitum si opus predictum sit prosequendum et si vincitur, mictatur pro dicto magistro et cum eo habeatur conventio quam melius fieri potest. Fuit missum ad partitum dictum et consilium dicti Giannis et fuit obtentum sexdecim fabas nigras de sic, nulla in contrarium reperta del non. Dominus Simon dixit ex post quod camerarius et superstites cum duobus civibus vel tribus adjunctis habeant licentiam et plenum arbitrium componendi et conveniendi cum magistro predicto et quicquid per eos factum fuerit valeat et teneat. Dominus Albertus dixit ut dominus Simon Post que comparuit dictus magister Petrus in audientia coram dictis dominis et civibus et habitis multis ratiociniis fuit conclusum inter ipsum magistrum et dictum consilium et camerarium quod faciat opus videlicet a pedicinis volte supra et pro pretio habeat ducentos ducatos ad carlenos papales et domum pro habitatione et aurum et azurum et pontes et calcem et alias expensas faciat ipse magister Petrus cum istoriis ad beneplacitum camerarii et superstitum et figuras debeat ipse magister facere figuras a medio supra et quod debeat interesse toti picture fiende et maxime in rebus importantibus Et quod in principio aprilis proxime futuri debeat incipere opus.