• 187
  verso

Type:Institutional record
Language:Latin
Transcription Author: D.E. McLellan
Published: yes
Publication Details: D.E. McLellan, 'Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning', unpublished doctoral thesis, Melbourne University, 1992, n. 240 (previously partially published in L. Fumi, 'Il Duomo di Orvieto e i suoi restauri', Roma, 1891, p. 398 and in F. Canuti,“Il Perugino”, Siena, 1931, vol.2, p. 139).

• Transcription

Locatio picture cappelle nove. In nomine Domini amen. Anno Domini millesimo quadrigentesimo nonagesimo indictione octava tempore pontificatus sanctissimi in Christo patris et domini nostri domini Innocentii pape octavi Die trigesima mensis decembris premissis antiorimis(?) et deliberationibus Reverendis domini locumtenentis et magnificorum dominorum conservatorum superstantium et aliorum civium ut apparet manu ser Basilii Bonserani per me registratum Spectabilis vir Antonius Simoncelli mercator et civis urbevetanus honorabilis camerarius operis et fabrice Sancte Marie Maioris de Urbevetere dicto nomine locavit et accottimavit cessit et concessit excellentissimo magistro pictori magistro Petro Christofori de Castro Plebis presenti et conducenti ad pingendum voltas cappelle nove site in dicta ecclesia videlicet celum voltarum predicte cappelle et arcus usque ad peduccios arcorum cum his conventionibus et conditionibus videlicet Quod dictus camerarius nomine dicte fabrice teneatur et sic promisit fieri facere pontes et dare calcem et arenam Et dare eidem magistro aurum et azurum expedientes pro picturis fiendis in dictis voltis Et dare et consignare domum et stantiam pro habitatione dicti magistri. Item dictus magister teneatur et sic promisit pingere dictas voltas dicte cappelle de figuris et storiis dandis et consignandis ac declarandis per dictum camerarium et complere partem dictarum voltarum inceptarum pingi et pingere arcus dictarum voltarum et vacua usque ad dictos piduccios et dictos piduccios omnibus et singulis expensis dicti magistri omnium et singulorum colorum et manifacturarum ipsius magistri ita et taliter facere quod omnes volte arcus et vacua sint picti. Item dictus magister teneatur et sic promisit incipere dictum laborerium et picturas in medietate mensis aprilis proxime futuri et laborare et pingere per totam extatem quousque pingi poterit. Item quod teneatur et sic promisit pingere manu propria omnes figuras fiendas in dictis voltis et maxime facies et omnia membra figurarum omnium a medio figure supra et quod non possit pingi sine eius presentia sine voluntate et licentia ipsius camerarii. Item quod teneatur omnes colores mictendos per ipsum magistrum mictere bonos perfectos et pulcros. Item teneatur facere omnes figuras bonas et pulcras et ad perfectionem ad judicium cuiuslibet boni magistri. Et dictus camerarius nomine dicte fabrice promisit eidem magistro Petro pro eius mercede picturarum et omnium et singulorum mictendorum et faciendorum in dictis picturis ducatos ducentos carlenorum ad rationem decem carlenorum pro quolibet ducato de tempore in tempus secundum eius expedientiam et indigentias prout pinget pro rata cum hoc quod Camerarius semper habeat in manu ducatos vigintiquinque dicti magistri Et in fine laborerii et picturarum totam et integram dictam quantitatem quam habere debebit in Urbeveteri etc. Et si non facere voluit posse de facto cogi etc. Non obstantibus feriis moratoriis etc. Quibus renuntiavit expresse. Que omnia etc. promiserunt etc. juraverunt etc. ad tendere etc. ad penam dupli dicti pretii etc. Que etc. Et ea etc. pro quibus etc. obligavit etc. Actum in Urbeveteri in camera fabrice residentie dicti camerarii presentibus magistro Iacobo Laurentii de Bononia pictore, Tadeo Iohannis Ghirardi, magistro Senso Bartolomei et magistro Antonio Chiarelle et magistro Vito de Senis habitatori in Urbeveteri testibus ad predicta vocatis habitis et rogatis.