• 343
  verso
• 344
  recto
• 344
  verso

Type:Institutional record
Language:Latin
Transcription Author: D.E. McLellan
Published: yes
Publication Details: D.E. McLellan, Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning, unpublished doctoral thesis, Melbourne University, 1992,n. 353 (previously partially edited in L. Fumi, 'Il Duomo di Orvieto e i suoi restauri', Roma, 1891, p. 406 and in F. Canuti, 'Il Perugino', Siena, 1931, pp.143-144)

• Transcription

Gianne Laurentii magistro Senso Ciuco Tadei civibus urbevetanis, de voluntate et commissione dicti camerarii, per Dominicum Pier Iohannis et Dominicum Nicolai Catalutii famulos dicte fabrice pro negociis ipsius fabrice utiliter peragendis in camera residentie dicti camerarii ipsius fabrice. Coram quibus magnificis dominis conservatoribus, superstitibus ac civibus ut supra congregatis dictus camerarius fecit infrascriptam propositam ad presens incumbentem et potissime necessariam in dicta fabrica videlicet. Proposita Quod attenta licentia generali eidem camerario concessa, ut supra, qualiter laborerium cappelle nove perficiatur, et iam scripserit magistro Petro perusino pictori prout dictus camerarius habuit in commissione et, habito responso a dicto magistro Petro se non posse seu velle in presentiam venire ad perficiendum pingere dictam cappellam novam, et esset valde bonum quod dictum opus compleretur ad laudem et honorem domini nostri Iesu Christi et sue gloriosissime matris Virginis Marie totiusque huius magnifice civitatis urbisveteris, deducitur nunc ad notitiam quatenus ad presens venit huc ad Urbemveterem quidam magister Lucas de Cortona, famosissimus pictor in tota Italia, prout dicitur et eius experientia apparet in pluribus locis ut ipse magister Lucas et Crisostimus Fiani et alii de eo plenam notitiam habentes dixerunt fecisse etiam multas pulcherrimas picturas in diversis civitatibus et presertim Senis. Si placet et videtur quod conducatur et quomodo et pro quanto pretio petit consulere quod fiendum sit Qui omnes prescripti magnifici domini conservatores, superstantes et cives ut supra congregati, audita et intellecta dicta proposita, unanimiter et concorditer, habito super hoc maturo colloquio et ratiocinio, deliberaverunt quod dictus magister Lucas introducatur et audiatur in dicta congregatione et ipso audito deliberabitur quid sit agendum. Comparitio magistri Luce. Qui magister Lucas comparuit in dicta congregatione et dixit se vidisse dictam cappellam novam et quicquid fiendum sit in ea, et petiit et dixit velle, pro eius laboribus et mercede dicte picture, ducatos ducentos ad rationem duodecim carlenorum papalium pro ducato et omnibus suis expensis pingere a cordonibus supra, exceptis pontibus, calce et arena, que