• 14
  recto

Type:Communal record
Language:Latin
Transcription Author: Scipione Borghesi e Luciano Banchi
Published: yes
Publication Details: Published by S. Borghesi and L. Banchi, Nuovi documenti per la storia dell’arte senese. Appendice alla raccolta dei documenti pubblicata dal comm. Gaetano Milanesi, Siena, 1898, pp. 342-343, doc. 173.

• Transcription

Magnifici et excellentissimi domini priores, gubernatores Communis etc., attento quod ex ordine Niccolai Ioannis ser Ghardi olim depositarii prestarum, vigore cuiusdam decreti Consistorii manu ser Ghalgani ser Antonii, fuerunt per exactores prestarum consignate quedam dette Francisco Georgii et Antonio Barilis, conductoribus pontis Maciareti, in numero 68 debitorum pro libris 800 denariorum, ut patet in stractu residui preste 6 florenorum pro miliario, fol. 181 et 182, et alie scripture ex dicta causa facte non sunt, idcirco, servatis servandis, decreverunt quod depositarius presens prestarum ponat sibi ad introitum a dicto libro seu a dictis dectis dictas libras 800 pro totidem pro eo solutis seu consignatis Francisco et Antonio predictis ex causa pontis predicti et ex decreto presenti, scomputandas in pretio dicte locationis, faciendo eos de predictis debitores, ut moris est. Et quia decte predicte transcendunt summam predictam, exactis ex eis libris 800 pro dictis Francisco et Antonio, residuum redeat ad Commune Senense et pro ea exigatur, ita quod ex eis dicti Francischus et Antonius non habeant nisi dictas libras 800, et quod pro predictis exequendis depositarius prestarum et alii, si qui essent, ad quos pertineret, faciant oportunas scripturas et predicta exequantur sine eorum preiudicio aut danno, vigore nostri presentis decreti, non obstantibus quibuscumque et omni modo etc.