• 229
  verso

Type:Institutional record
Language:Latin
Transcription Author: Carlo Promis
Published: yes
Publication Details: Published by C. Promis, Vita di Francesco di Giorgio Martini architetto senese del secolo XV, aggiuntovi il catalogo de' codici, Torino, 1841, p. 54.
Notes: Transcription by C. Promis revised by M. Mazzalupi.

• Transcription

MCCCC°LXXXX°, die dominico IIII° iulii. In domibus residentie contrascripti reverendissimi in Christo patris domini archiepiscopi mediolanensis existentibus congregatis contrascriptis reverendis, venerabilibus et spectabilibus dominis regimini venerabilis Fabrice ecclesie maioris Mediolani deputatis causa tractandi deliberandive quid peragendum sit circha remunerationem fiendam magistro Francisco de Georgiis, illustrissime dominationis Senatorum (!) ingeniario dignissimo, qui, attendens modellum ad perficiendum tuburium predicte maioris ecclesie fecisse et nonnula documenta circa ipsum tuburium perficiendum in scriptis dimisisse, licentiam ad eius patriam se transferendi requisivit. Demum post multa dicta, proposita et allegata, inter eos vocibus colectis per reverendissimum dominum archiepiscopum deliberatum et ordinatum fuit ipsum magistrum Franciscum remunerari debere et eidem pro eius benemeritis dari debere florenos centum Reni ultra indumentum eidem fiendum sete et indumentum eius famuli more mediolanensi fiendum et expensas vitus ei factas et fiendas usque ad eius patriam.