• 77
  recto
• 77
  verso

Type:Institutional record
Language:Latin
Transcription Author: Gaetano Milanesi
Published: yes
Publication Details: Published by G. Milanesi, in G. Vasari, Le vite de' più eccellenti pittori scultori ed architettori, con nuove annotazioni and commenti di G. Milanesi, IV, Florence, 1879, pp. 304-309, doc. I
Notes: Transcription by G. Milanesi revised by M. Mazzalupi.

• Transcription

Nomina architectorum: - Franciscus aurifex: absens - dominus Franciscus araldus Magnifice Dominationis Florentine: fecit disegnum (!) - Zenobius Landus: absens - Phylippus Baldi: absens - Laurentius Vulparia: absens - Victorius Bartoluccius - Simon Pollaiuolus - Franciscus Monciattus - Benedictus de Maiano - Francione lignarius - Iulianus de Sanghallo: absens - Simon Caprina - Franciscus de Fesulis - Iacobus lignarius alias Piattola: fecit modellum - Meus del Caprina: absens - Laurentius Credis pictor - Dominicus Grillandarius - Cosmus pictor - Antonius Covonius - Perusinus pictor - Ioannes Graffione: absens - Baldassar faber - Scorbachia: absens - Andreas de Monte Sancti Sabini - Clemens del Tasso - Matteus Iacobini: absens - Matteus Cioli - Andreas de Rubbia - Blasius Frigio - Bartholomeus Claudus - Lucas Cortonensis: absens - Sander Botticelli - Amerigus aurifex - Bernardettus aurifex - Alexus Baldovinettus - Ioannes Pifferus et frater eius - Andreas de Fesulis - Lapus sculptor Dicta die. Coadunatis omnibus supradictis in audientia, ymmo in porticu et lodia dicte Opere, et apertis et patefactis disegnis (!) sigillatis undique habitis et collectis et productis modellis et omnibus mature consideratis et omnibus secundum eorum dignitatem locatis, infrascripti insurrexerunt et superius locuti sunt effectum infrascriptum, videlicet: Thomas Minerbectus, unus ex dictis operariis, rogatus a collega ut causam narraret talis convocationis, surrexit et comode ac diserte officio sibi commisso functus est. Quo facto, statim prefatus venerabilis vir dominus Carolus Bencius canonicus, civis et architectus, primo interrogatus, surgens dixit quod suo videri sequendum erat circa hoc iudicium Magnifici Laurentii Medicis, tanquam architectura peritissimi, quod si fieri contingat, in errorem incidi minime posset etc. Dominus Bartholomeus Scala eques, secundo surgens, consuluit ut in aliud tempus iudicium differretur, ut veritas circa hoc magis elucescat resque maturius digeratur. Dominus Antonius Malegonnella sequutus est consilium suprascripti domini Bartholomei. Petrus Nasius fere idem sensit, sed tempus initii talis operis et rei non sit longius quam sit opus. Antonius Taddei eiusdem pene fuit sententie et adortatus est operarios et alios ad id deputatos ut rem expediant, servata prius debita diligentia. Laurentius vero Medices consurgens ait eos omni laude dignos esse qui circa modellos et seu designa producta se exercuerunt et, cum opus de quo agitur diuturnum sit futurum, indiget gravi et maiori examine et quod inconveniens non esset in aliud tempus conclusionem differre, ut res maturius digeratur. Cuius opinionem est sequutus Perus Machiavellus et Antonius Manectus architectus et civis. Ceteri astantes siluere.