Italian Renaissance Document Site

Eadem die [24 marzo 1520]. In nomine Domini, amen. Anno a nativitate eiusdem millesimo quingentesimo vicesimo, inditione octava, die vero vicesimaquarta mensis martii, pontificatus sanctissimi in Christo patris et domini nostri domini Leonis divina providentia pape decimi anno octavo. In mei notarii publici testiumque infrascriptorum ad hec specialiter vocatorum et rogatorum presentia, personaliter constituti reverendi patres domini Camillus de Porcariis episcopus Aprutinus, Bartholomeus Ferratinus comes Sancti Bonifatii et Latinus Juvenalis, canonici et camerarii dicte basilice, et cum eis reverendi domini Paulus Capozucha, Julius Corvinus et Jacobus Mutus, canonici eiusdem basilice, dicti domini [papae] camerarii, ad omnia et singula infrascripta peragenda a reverendis dominis canonicis et capitulo ipsius basilice specialiter deputati, de qua deputatione et commissione patet ex actis mei eiusdem notarii et pro quibus de rato et ratihabitione, sub obligatione omnium et singulorum bonorum suorum mobilium et immobilium presentium et futurorum, promiserunt, non coacti, non convicti aut aliqua sinistra machinatione circumventi, sed ex eorum certa scientia ac spontanea voluntate et non per errorem aliquem juris vel facti, omnibus melioribus modo, via, jure, causa et forma quibus magis et melius potuerunt et debuerunt, translationem et cessionem infrascripti terreni alias domino Leonardo Bartholino locati, per eundem dominum Leonardum Bartholinum in personam honorabilis viri domini Raphaelis de Urbino pictoris factam, et per quemdam Johannem de Vegge publicum notariurn rogatam, juxta tamen formam locationis et concessionis eidem domino Leonardo facte et sub eisdem modis, pactis et conditionibus quibus ipsi domino Leonardo dictum terrenum concessum et locatum fuit et non aliter, nec alio modo, omologarunt, confirmarunt et approbarunt, eorumque consensum et assensum dederunt et prestiterunt. Et insuper iidem domini camerarii et canonici ex similibus certa scientia ac spontanea voluntate locarunt et titulo locationis in emphiteosim perpetuam dederunt, cesserunt et concesserunt dicto honorabili viro domino Raphaeli de Urbino pictori presenti, ac pro se suisque heredibus et successoribus quibuscumque, in perpetuum legitime stipulanti et recipienti, prelibatum petium terreni seu sodi, mensure ducentarum et decem septem cannarum cum dimidia, ad mensuram senatus Urbis, positum in regione Pontis sub proprietate et parrocchia Sancti Biasii della Pagnotta, membri annexi et incorporati dicte basilice juxta ab omnibus lateribus vias publicas vel si qui alii sunt vel esse possunt ad dictum terrenum, ut supra, locatum plures aut veriores confines antiqui vel moderni ac vocabula et nomina veriora, cum omnibus et singulis introitibus et exitibus eiusdem, ad habendum, tenendum, possidendum, fruendum et de eo disponendum et faciendum, prout quilibet similis emphiteota facere potest et debet. Item, titulo locationis in emphiteosim perpetuam predicte prefati domini camerarii et canonici dederunt, cesserunt et concesserunt dicto domino Raphaeli presenti et stipulanti ut supra, omnia et singula jura ac actiones quascumque, eisdem dominis canonicis et capitulo desuper competentia et competentes, nullo jure, nullaque actione eisdem dominis canonicis et capitulo nisi directi dominii, pactis et conditionibus infrascriptis quomodolibet de cetero reservatis. Hanc autem approbationem, confirmationem, locationem, cessionem et concessionem, ac omnia et singula supradicta et que infra dicentur, fecerunt dicti domini camerarii et canonici dicto domino Raphaeli presenti ac recipienti et stipulanti ut supra, ex eo quia dictus dominus Raphael, per se suosque heredes et successores, promisit dictis dominis camerariis et canonicis ac mihi notario publico infrascripto presentibus, ac vice ac nomine dicte basilice illiusque dominorum canonicorum et capituli, et in ea pro tempore successorum legitime stipulantibus et recipientibus, in dicto terreno domos habitabiles ipsius domini Raphaelis suorumque heredum et successorum, propriis sumptibus et expensis, construere et fabricare ac construi et fabricari facere, ac pro annuo canone et responsione dicti terreni, eisdem dominis canonicis et capitulo, aut eorum generali camerario pro tempore existenti, solvere et pagare singulis annis in perpetuum in festo Beatorum Petri et Pauli cuiuslibet anni, inchoando in festo Beatorum Petri et Pauli proxime futuro de hoc presenti anno millesimo quingentesimo vicesimo, unica solutione ducatos octuaginta de carlenis, ad carlenos decem pro quolibet ducato, ad rationem bone monete et in bona moneta, sine aliqua exceptione et diminutione, cum pactis et conditionibus infrascriptis inter ipsas partes sollempni stipulatione firmatis legitime interveniente, videlicet quod dicti dominus Raphael, suique heredes et successores, in perpetuum non possint neque debeant dictum terrenum et domos in eo construendas videlicet jus emphiteoticum et melioramenta in dicto terreno fienda, eis competentia et competitura sine quisitis dictis dominis canonicis et capitulo, alicui persone, loco seu universitati vendere, alienare seu quomodolibet transferre. Et casu quo dicti dominus Raphael, suique heredes et successores, dictum petium terreni et domos in eo fiendas, jura emphiteotica et melioramenta eis competentia et competitura, alieni persone, loco seu universitati, irrequisitis dictis dominis canonicis et capitulo, vendiderint, alienaverint seu quomodolibet transtulerint dicta res, locata, jura et melioramenta predicta, ipso jure et ipso facto ad dictam basilicam illiusque dominos canonicos et capitulum libere devolvantur, et revertantur. Item, quod in eventum in quem dictus dominus Raphael, suique heredes et successores, in domibus in dicto terreno fiendis per quinquennium negligentes fuerint et illas facere cessaverint, seu quod dictum annuum canonem continuatis temporibus juxta juris dispositionem non persolverint, in quolibet casu predictorum et alterius cuiuscumque devolutionis et reversionis dicte rei locate, pariter dictum terrenum, cum omnibus et singulis melioramentis predictis in eo seu eis fiendis seu factis quantumcumque magnis et excessivis, ipso jure et ipso facto sine aliqua illarum restitutione et satisfactione ad dictam basilicam illiusque canonicos et capitulum libere devolvatur, revertatur et applicetur. Item, in omnem casum et eventum in quem forte fiscus succederet in dicta locatione, aut etiam nulli superessent heredes aut successores dicti conductoris, convenerunt dicte partes quod dicta basilica illiusque domini canonici et capitulum in dictis rebus locatis et melioramentis predictis in eis factis et fiendis succedat et succedere debeat. Item, quod in omnem casum devolutionis dictarum rerum locatarum liceat et licitum sit eisdem dominis canonicis et capitulo et agentibus pro eis dictas res locatas, cum omnibus et singulis melioramentis in eis factis predictis, propria eorum auctoritate ad dicte basilice lucrum, commodum et omnimodam utilitatem, sine aliqua dictorum melioramentorum satisfactione et restitutione, capere et apprehendere ac se investire, retinere, usufructuare et de illis disponere, tamquam de re propria ipsius capituli et basilice, quia sic actum et conventum extitit inter ipsas partes sollempni et legitima stipulatione interveniente, salva semper et reservata in premissis auctoritate Sedis Apostolice, quam prefatus dominus Raphael teneatur impetrare per litteras desuper oporteat expedire et expediri facere ipsius conductoris, propriis sumptibus et expensis, et premissa omnia et singula dicte partes promiserunt vicissim altera alteri presenti et stipulanti ut supra attendere et observare ac grata, rata et firma habere et tenere et in nullo contrafacere, dicere vel venire quoque modo, sub obligatione omnium et singulorum bonorum suorum, mobilium et immobilium, presentium et futurorum, et pena refactionis omnium et singulorum dampnorum, expensarum et interesse propterea quomodolibet patiendorum, faciendorum et incurrendorum in juditio et extra, de quibus dampnis, expensis et interesse et rerum quantitate et numero dicte partes vicissim stare et credere voluerunt soli verbo premissa servantes absque juramento et alia probatione in juditio vel extra fienda, ex nunc prout ex tunc et ex tunc prout ex nunc habere voluerunt pro plena et sufficienti probatione, absque alterius omni probatione judicis, taxatione, arbitrio seu arbitratu alicuius alterius boni viri ceterisque aliis receptionibus et defensionibus juris et facti, quibus se quomodolibet juvari et defendere possent, renuntiarunt et in futurum expresse et ex eorum certa scientia. Pro quibus omnibus et singulis premissis sic faciendis et inviolabiliter observandis dicte partes, videlicet dictus dominus Raphael [per] se ipsum suosque heredes et successores, ac omnia et singula bona seu mobilia et inmobilia presentia et futura dictis dominis camerariis et canonicis ac mihi notario publico infrascripto presentibus et stipulantibus ut supra obligaverint et hypothecaverint. Et dicti domini camerarii et canonici [per] se ipsos, ac omnia et singula dicte basilice bona, mobilia et inmobilia, presentia et futura, dicto domino Raphaeli presenti et recipienti ut supra obligarunt et hypothecarunt, seque ac successores suos, et bona predicta, jurisdictioni, cohertioni, juribusque Curie causarum Camere Apostolice domini nostri pape, eiusque auditoris, viceauditoris, regentis, locumtenentis et quaruncumque aliarum Curiarum utilibus constitutarum, judicium officialium et commissariorum hinc inde supposuerunt et submiserunt, per quas quidem Curias et eorum quamlibet voluerunt posse cogi, compelli, constringi, coactari ac realiter et personaliter conveniri et detineri, usque ad integram observationem omnium et singularum in presenti publico instrumento contentarum... Acta fuerunt haec Romae, in regione Parionis in domo habitationis dicti domini episcopi Aprutini, sub anno, indictione, die, mense et pontificatu quibus supra. Presentibus ibidem discretis viris dominis Nicolao Spina de Turano et Honofrio Pontano beneficiatis ac Petro de Regno factore dicte basilice testibus ad premissa omnia et singula vocatis habitis specialiter atque rogatis.

In the presence of Raphael the canons and the chapter of Saint Peter's confirm the acquisition of a plot of land near the church of San Biagio della Pagnotta.