• 14
  recto

Type:Notarial
Language:Latin
Transcription Author: John Shearman
Published: yes
Publication Details: The document was first discovered by L. Pungileoni, “Elogio storico di Raffaello Santi da Urbino”, Urbino 1829, pp. 266-67; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 617-19.
Notes: The document appears on the following folios: 14r-15v.

• Transcription

In nomine Domini, amen. Egregius vir Rodulfus quondam Johannis Lucae de Urbino, sanus per gratiam Domini nostri lesu et in mente et intellectu licet corpore languens, timens periculum futurum mortis, qua nihil certius et nihil incertius hora, et nolens intestatus decedere sed suarum rerum et bonorum omnium, per hoc suum presens nuncupativum testamentum quod dicitur sine scriptis, in hunc modum facere procuravit et fecit [...] et iussit eius cadaver sepelliri, si eum mori contigitur, in ecclesia Sancti Augustini in Urbe Roma, ubi ipse nunc languet. [...] Item, reliquit et legavit Augustino q[uondam] Baptiste eius patruo et Johanni Baptiste quondam Simonis de Urbino eius consobrino florenos sex pro quolibet, ultra expensas per ipsos passas etiam patiendas occasione infirmitatis ipsius Rodulfi. Item, iussit et mandavit per infrascriptum dominum Livium mutuari domino Permatheo Feliciano de Urbino, eius affini, ducatos decem auri ex pecuniis consequendis ex rebus et successione Raphaelis Johannis Santis defuncti, ad quos restituendum voluit ipsum dominum Permatheum hinc dilatione unius anni. Item, reliquit et mandavit pecunias et res consequendas ex successione dicti Raphaelis recipi per dominum Livium Guidalottum, eius mandatarium, et per ipsum dominum Livium postea restitui et exborsari, prout libuerit Francisco Buffe de Urbino et eius arbitrio et voluntate. Cui domino Livio reliquit ducatos sex auri, pro labore ipsius domini Livii. [...] Actum, factum, conditum, lectum et affirmatum fuit dictum testamentum per dictum testatorem, existentem infirmitate gravatum, in Urbe Roma, in regione Pontis, in parochia Sancti Simeonis, in domo domini [spazio] Romana, retenta ad pensionem per dominam Brettam Venetam incolam in dicta domo iuxta stratam, andronum et alia latera, presentibus Johanne Baptista Berardini Baldi de Urbino [etc.] testibus [...] et scriptum, lectum et publicatum per me Marcum Antonium notarium infrascriptum anno Domini a Nativitate Eiusdem M.o CCCCC.o XX.o, inditione ottava, tempore beatissimi in Christo patris domini domini Leonis divina providentia pape X.mi, die vero sabati octava mensis septembris, presentibus et adhibitis et rogatis dictis testibus. Et ego Marcus Antonius quondam Nicolai Baptiste, publicus imperiali et apostolica auctoritate notarius Urbinas [...], interfui [...].