• 3
  verso

Type:Notarial
Language:Latin
Transcription Author: Anna Falcioni e Vincenzo Mosconi
Published: yes
Publication Details: Published by L. Pungileoni, Elogio storico di Giovanni Santi pittore e poeta, padre del gran Raffaello di Urbino, Urbino, 1822, p. 130, and by A. Falcioni - V. Mosconi, Apparato documentario. Regesti e trascrizioni, in Raffaello and Urbino. La formazione giovanile e i rapporti con la città natale, exhibition catalogue (Urbino, 2009), edited by L. Mochi Onori, Milan, 2009, p. 301, doc. 218

• Transcription

In nomine Domini nostri Ihesu Christi, amen. Santes condam Petri olim de Colburdolo, civis Urbini, sanus per gratiam Domini nostri Ihesu Christi mente, sensu et corpore, timens mortis periculum et nolens intestatus decedere, suarum rerum et bonorum omnium [dispositionem] per presens suum nuncupativum testamentum, quod dicitur sine scriptis, in hunc modum facere procuravit et fecit. Imprimis quidem iussit, voluit et mandavit, quando ipsum mori contigerit, corpus suum sepeliri apud ecclesiam Sancti Francisci de Urbino, cui ecclesie reliquit bononenos viginti pro reparatione et fabrica eiusdem ecclesie. Item reliquit ecclesie Sancti Sergii de Urbino alios viginti bononenos pro fabrica dicte ecclesie. Item reliquit iure legati fratribus observantie Sancti Francisci, comorantibus apud ecclesiam Santi Donati extra civitatem Urbini, amore Dei et pro male ablatis incertis florenos quatuor ad rationem XL bononenorum pro floreno, quos tamen expendi voluit aut pro reparatione dicti loci et fabrica sive pro paramentis ad divinum cultum, prout videbitur et placebit custodi sive guardiano et fratribus pro tempore existentibus. Item reliquit iure institutionis domine Sancte, eius filie et uxori magistri Bartolomei sartoris, florenos centum, quos asseruit ipse testator dedisse et solvisse dicto magistro Bartolomeo in dotem et pro dote ipsius domine Sancte, prout apparere dixit manu ser [*****] noctarii. Item reliquit ditte domine Sancte solidos quinque pro parte et falcidia omnium suorum bonorum, iubens et mandans ipsam fore et esse tacitam et contentam et quod plus de suis bonis pectare (!) non possit. Item reliquit domine Margarite, eius filie et uxori Antonii Bartoli Vagnini, iure institutionis florenos centum, quos asseruit dedisse et solvisse dicto Antonio eius viro, prout constare dixit manu ser Francisci ser Angeli. Item reliquit ditte Margarite florenos decem pro parte et falcidia omnium suorum bonorum, iubens et mandans ipsam esse tacitam et contentam et quod plus de suis bonis pectare (!) non possit. Item reliquit, iussit, voluit et mandavit quod, si dicte eius filie aut aliqua ipsarum ullo umquam tempore vidua remaneret vel remanerent, quod ipsa seu (?) ipse possint redire domum dicti testatoris et ibi habere vitum et vestitum, dumodo reportent dotes suas predictas. In omnibus autem aliis suis bonis mobilibus et immobilibus, propriis et emphiteoticis, presentibus et futuris, ubicumque sunt et reperiri poterunt, Iohannem et donnum Bartolomeum, eius testatoris filios legitimos et naturales, videlicet dittum domnum Bartolomeum imbonis ascendentibus ad valorem et extimationem septuaginta florenorum et non ultra, et dittum Iohannem in toto ressiduo bonorum dicte sue hereditatis, suos universales heredes instituit et fecit pleno iure. Et, si dictus Iohannes decesserit quandocumque sine liberis legitimis et naturalibus, substituit ei supradittum domnum Bartolomeum, dominam Sanctam et Margaritam prenominatas filias seu earum liberos pro tempore existentes, et quod, non stante dicta substitutione, quod liceat et licitum sit ditto Iohanni vendare (!) et allienare de bonis dicte hereditatis ad eius beneplacitum sine a[li]qua contradictione, cum hac condictione et obligatione quod dicti eius heredes per tempus decem annorum teneantur et obligati si[n]t singulo anno cellebrari facere pro anima ipsius testatoris et aliorum defunctorum de domo sua unum offitium mortuorum, in quo expendi debeant duos florenos pro singulo anno, et, casu quo defficient, quod eo anno quo defecerint teneantur solvere dictis fratribus Sancti Donati unum florenum et unum fratribus Sancti Hieronimi de Urbino. Et hanc suam uultimam (!) voluntatem dixit ipse testator esse [...]. Actum et factum fuit dictum testamentum per dictum testatorem et scriptum et publicatum per me notarium infrascriptum in civitate Urbini et in cunvenctu (!) Sancti Hieronimi, sito in quatra Sancte Crucis iuxta vias et res Lantis Bartolomei, sub anno Domini a nativitate eiusdem M°CCCCLXXXIIII°, inditione IIa, tempore domini Sixti pape quarti et die XVIIIIa maii, presentibus venerabilibus religiosis fratre Dominico Antonii de Bagnacavallo, fratre Hieronimo Christofori de Sancto Agato, fratre Iohanne Anohe (?) de dicto loco, fratre Simone Antonii Neri de Urbino, magistro Paulo Francisci olim de Callio, Iohanne Baptista et Berardino magistri Baldi aurificis de Urbino, testibus ad hec habitis et vocatis a dicto testatore ore proprio. Et ego Perhieronimus ser Nicolai de Urbino [...]. Die IIa mensis augusti obiit dictus testator et die uultima (!) eiusdem autenticavi etc. [...]