• 139
  recto

Type:Communal record
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 175 (previously partially published in A. Mariotti, 'Lettere pittoriche perugine. Memorie istoriche riguardanti le arti del disegno in Perugia', rist. anast. 1788, p. 152)

• Transcription

Eisdem Millesimo, Ind. et Pontif, die, loco, praesentibus Bernardino Nicolai P. Eburneae, et Battista Iohannis Portae S. Petri, testibus ad hoc vocatis, etc.. Famosissimus in arte pictorum Mag. Petrus q. Vannutii de terra Castri Plebis, Civis Perusinus, promisit et convenit, praesentibus M. D. P. in numero sufficienti, et S. Theologiae Doctori Mag. Andrea Angeli Ordinis S. Mariae Servorum, Cappellae Palatii praefatorum M. D. P. Cappellano, et mihi Notario Iacobo, pingere et ornare in dicta Cappella unam tabulam supra altare dictae Cappellae cum figura gloriosae Virginis Mariae, cum filio in eius brachiis et figura quatuor Sanctorum, videlicet S. Laurentii, Erculani, Constantii, et Ludovici, ad usum boni et legalis Magistri, omnibus praefati Magistri Petri sumptibus et expensis et similiter in tabernaculo superiori in quo depicti sunt Priores, videlicet Tiberutius et sotii, ipsis abolitis et deletis, pingere et ornare figuram Pietatis, aut aliam figuram ibidem correspondentem, ad electionem praefati Mag. Petri, termino temporis et termini sex mensium prox. futurorum, hodie incipiendorum et finiendorum feliciter, ut sequitur. Et hoc fecit eo quia praelibati M. D. P. et Cappellanus antedictus etc. promiserunt et convenerunt praefato Mag. Petro, praesenti, et stipulanti, pro se et suis aeredibus et cui ius suum concesserit seu concedere voluerit, nunc et in futurum pro dicto eius magisterio et opere, sic faciendo, dare, solvere et cum effectu numerare ducatos centum auri largos ad iustum pondus Comunis Perusii ; hoc modo, videlicet tertiam partem dictorum centum ducatorum in principio dicti operis, aliam vero tertiam partem in medio temporis operis praedicti, et reliquam tertiam partem finito dicto opere et magisterio; de quibus dictus Mag. Petrus fuit confessus et contentus habuisse et recepisse in sua manu flor. quatuordecim et sol. decem ad rat. XL boi. pro quolibet flor., a praefato Comuni et Cappella, et pro eis, a Ludovico Caesari, civi perusino, olim Casserio gabellae Grosse Civitatis Perusii, sub die XXIII Febr. anni Domini MCCCCLXXXXIV, et in alia manu flor. duodecim ad dictam rat. a dicto Mag. Andrea Cappellano praedicto, et pro eo a Iohanne Bapta. Paci supersc. sub die XII mensis Iulii anni Domini MCCCCLXXXXV, prout apparebat in quadam scripta facta manu dicti Mag. Petri in praesentia dictorum testium et mei Not. infrascripti etc.; de quibus vigintisex flor. et sol. decem ad dictam rat. fecit praefatis M. D. R. et Cappellano, finem refutationem, absolutionem, liberationem etc. et voluit praefatus Mag. Petrus pro praedictis omnibus et singulis et eorum observatione conveniri posse Perusii, Florentii, Romae, Senis, Bononiae, Venetiis, Mediolani, Neapoli, et alibi ubique locorum et terrarum et ubi se invenerit ibi convenire voluerunt.