• 119
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, pp. 176-177 (previously in B. Orsini,'Vita, elogio e memorie dell’egregio pittore Pietro Perugino and degli scolari di esso', Perugia, 1804, p.142)

• Transcription

Magistri Petri pittoris locatio Ancone altaris majoris Monasterii. In Nomine Domini, Amen. Anno Domini Millesimo quadringentesimo nonagesimo quinto, Indictione decima tertia, tempore Sanctissimi in Cristo Patris et Domini Alexandri, divina provvidentia Papae Sexti, die vero octava mensis Martii. Actum Perusiae in Monasterio S. Petri, praesentibus Eusepio Jacobi de Perusia, Portae S. Suxannae, et Johanne Francisco Ciambelle de Perusia Portae Solis, testibus, etc.. Reverendus in Cristo Pater Dopnus Lactantius Juliani de Florentia, Abbas monasterii Santi Petri de Perusia, ordinis sancti Benedicti Congregationis sanctae Justinae, nec non dopnus Benedictus de Senis, et Dopnus Daniel de Perusio eiusdem ordinis, Sindici et procuratores dicti monasterii, de licentia, consensu, et voluntate dicti domini Abbatis, praesentis, et consentientis, et quilibet eorum per eos et eorum successores obligando res et bona dicti monasterii, mobilia, stabilia, praesentia et futura, pro ipsorum omnium observatione conduxerunt et locaverunt spectabili viro Magistro Petro Cristofori de Castro Plebis, pictori excellentissimo, praesenti, et acceptanti pro se et suis, ad depingendum et ornandum tabulam sive Anconam majoris altaris dictae ecclesiae S. Petri, hoc modo, videlicet: In campo sive quadro ipsius Tabulae Ascentionem D. N. J. C. cum figura et Imagine gloriosissimae Virginis Mariae et XII Apostolorum cum aliquibus angelis et aliis ornamentis, secundum quod in facto cognoverit opportunum. In circulo vero superiori pingatur figura sive Imago Dei Patris omnipotentis cum duobus angelis ad latus sustinentibus circulum. Predulam autem ad pedes bistoriatam, pictam, et ornatam ad voluntatem domini abbatis pro tempore existentis Colupnae autem et cornices et totum aliud ornamentum ipsius tabulae ornari debeant ad aurum finum, et azurrum ultramarinum finum, et alios finos colores secundum quod magis convenerit. Ita quod ditta tabula sive Ancona a capite usque ad pedes sit bene ac diligenter depicta, ornata, deaurata ut supra, ad usum boni sufficientis et legalis ac perfecti magistri, infra tempus duorum annorum cum dimidio proxime futurorum, omnibus ipsius Magistri Petri sumptibus et expensis, etc. Quae omnia et singula praefatus Magister Petrus facere, tenere, attendere et observare promisit dicto domino abbati pro dicto monasterio recipienti, sub poenis infrascriptis et obligatione omnium suorum bonorum mobilium et stabilium, praesentium, et futurorum. Et hoc fecit dictus Magister Petrus pro eo quia praefatus Reverendus Pater Abbas, per se, etc., obligando dictum menasterium et eius bona ut supra, promisit et convenit eidem Magistro Petro, praesenti, stipulanti, et recipienti pro se et suis haeredibus, solvere et cum effectu numerare pro sua pictura, mercede, coloribus auro, et aliis necessariis et opportunis ad perfectionem dictae picturae, ornamentorum dictae tabulae, ducatos auri largos quingentos, solvendos infra quatuor annos, incipiendo a die, quo inceperit dictam picturam, videlicet anno quolibet quartam partem. Non tamen venire intelligatur in dicto coptumo capsa quae circundat dictam tabulam, neque ornamenta posita in summitate dictae capsae, sed solum veniat corpus ipsius tabulae cum suis ornamentis, etc. Renuncians et jur. etc. poena dupli etc. promisit facere confess. etc. Ego Petrus ser Bartolomei de Perusia portae solis, publicus imperiali auctoritate notarius, et judex ordinarius, et nunc notarius dicti monasterii praedictis omnibus imterfui, et ea rogatus scripsi et publicavi. Loco + signi