• 14
  verso

Type:Other text
Language:Latin
Transcription Author: John Shearman
Published: yes
Publication Details: The document was first discovered by A. Mercati, “Raffaello da Urbino and Antonio da San Gallo, “Maestri delle Strade” di Roma sotto Leone X”, in “Atti della Pontificia Accademia Romana di Archeologia” Ser. III, Rendiconti I (1921-23), 1923, p. 124; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 637-38.
Notes: The document appears on the following folios: 14v-15r.

• Transcription

Motu proprio etc. Quia ex preinserto motu proprio nostro verti posset in dubium, an intentionis nostre fuerit mutari velle ordinationem providum alias per Presidentes Camere Apostolice, magistros stratarum, Raphaelem de Urbino et Antonium de Sancto Gallo, super terminationem platee ante ecclesiam Sancte Marie de Populo, stratam Leoninam et viam Latam, de mandato nostro factam, ad tollendam omnem dubitationem Motu simili declaramus mentis nostre semper fuisse et esse quod platea, strata et via predicta terminentur et perficiantur eo ordine quo per supradictos presidentes, et magistros ordinate et terminate fuerunt. Ideo vobis presidenti, magistris et Antonio, sub pena excomunicationis, precipimus et mandamus Motu simili ut plateam, stratam et viam predictam finiatis et perficiatis seu finiri et profici faciatis, iuxta ordinationem et terminationem per vos ut premittitur factam, non obstantibus Motu proprio preinserto et aliis forte per nos concessis, que omnia per presentes tollimus, cassamus et annullamus, et pro infectis et concessis haberi volumus. Ita quod nullo unquam tempore terminationi et perfectioni platee, strate et vie impedimento esse possint, ceterisque contrariis quibuscunque. Placet et ita mandamus J.