• 183
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 178 (previously in B. Orsini, 'Vita, elogio e memorie dell’egregio pittore Pietro Perugino and degli scolari di esso', Perugia, 1804, p.144)

• Transcription

Magistri Petri, pictoris locatio casse ancone S. Petri. Eodem millesimo die vero XXIV mensis novembris inditione prima. Actum Perusiae in Monasterio S. Petri presentibus Viere Montis de Perusia, portae S. Angeli, et Matteo Petri oblato dicti Monasterii. R. P. Dopnus Zacharias abbas dicti Monasterii, etc. dedit et locavit Magistro Petro Christophori de Perusia, pictori, ad pingendum et ornandum, suis sumptibus et expensis, capsam noviter constructam et factam pro tabula altaris maioris dictae Ecclesiae, quam dictus Magister Petrus, per sè, etc. obligando se, etc., promisit et convenit praefato Reverendo Patri, et mihi notario recipienti pro dicto Monasterio, pingere et ornare ad aurum et azzurrum et cum fregis et aliis ornamentis et certis figuris profetarum, prout et sicut descriptum et designatum est in quodam folio designi dictae cassae, de quo in fine huius libri et ultima carta ipsius continetur representata. Et hoc fecit dictus Magister Petrus pro pretio et solutione sexaginta ducatorum auri largorum, ex quibus confessus fuit abuisse et recepisse, et abuit et recepit in contanti ducatos quinquaginta auri in auro largos. De quibus quinquaginta ducatis fecit praefato domino abbati, et mihi notario recipienti pro dicto Monasterio, finem et refutationem, etc.; residuum vero usque ad sexaginta, praefatus dominus abbas promisit et convenit dicto Magistro Petro, praesenti, etc. solvere de tempore in tempus, iuxta modum et formam solutionis pagamentorum picturae tabulae, de quibus apparet istrumentum manu mei notarii infrascripti.