• 336
  recto

Type:Notarial
Language:Latin
Transcription Author: John Shearman
Published: yes
Publication Details: The document was first discovered by L. Pungileoni, “Elogio storico di Raffaello Santi da Urbino”, Urbino 1829, pp. 21-22; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 64-66.
Notes: The document appears on the following folios: 336r-v.

• Transcription

Jesus. In nomine Domini, amen. Nos Alexander Spagnolus de Mantua, Decretorum doctor et vicarius reverendi domini Jovanpetri de Arivabenis episcopi Urbinatis, cognitor et decisor litis, questionis et cause vertentis et quae versa est in diffinitivis partibus inter dominam Berardinam fìliam Petri Partis aurifìcis de Urbino et ser Alexandrum Marsilii eius procuratorem ex una, agentes et petentes, et dominum Bartholomeum quondam Sanctis Peruzoli et ser Ludovicum Baldi procuratorem dicti domini Bartholomei et Rafaelem Joannis Sanctis predicti, assertos reos conventos ex alia se defendentes, occaxione petitionis ellectionis, taxatorum, assertorum, alimentorum ut debitorum dictae dominae Berardine etc, de qua causa patet manu ser Federici Pauli de Monte Guiduccione, cuius quidem petitionis tenor talis est, videlicet: Coram nobis . . . [spazio lasciato per completamento successivo] Unde visa dicta petitione et contentis in ea visisque responsionibus [...], viso quoque quodam instrumento in actis producto manu ser Ludovici Baldi de Urbino dotis promissae dictae dominae Berardinae [...]. Christi eiusque genetricis virginis Mariae nominibus invocatis, dicimus, pronuntiamus et in his scriptis declaramus pro exequendo dicto laudo predictum dominum Bartholomeum, non obstantibus exceptis, compellendum et compelli debere ad elligendum unum arbitrum et bonum virum pro parte sua, qui cum alio eligendo ex parte dictae dominae Bernardinae habeant declarare dicta alimenta iuxta facultates hereditatis habita ratione eius, quod ipsa operari potuisset in domo heredum, et prout in dicto laudo latius continetur. Et hoc praescriptum est pro quarta hereditatis tangente dicto domino Bartholomeo et pro residuo reservamus ius et facultatem dictae dominae Bernardinae rectius agendi, vigore dicti laudi contra dictum Rafaelem minorem. Et eundem dominum Bartholomeum in expensis condemnamus in parte [?] taxatione reservata etc. Et ita dicimus, reservamus omni meliori modo, etc. Laus Deo etc [...] Scripta, lata, promulgata publice per me Federicum Pauli, protonotarium dicti domini vicarium Curie Apostolice, sub annis Domini ab eius nativitate MCCCCLXXXXVII, indictione XV, tempore domini nostri domini Alexandri, divina providentia papae VI, die decima nona mensis decembris, hora indicata destro. Presentibus venerabili viro domino Fulgentio Brancharino canonico Urbinati, Petro Paulo Viriani et Johanne Baptista ser Andree de Urbino, testibus ad hec vocatis, habitis et rogatis. [etc.] Extractum in publica forma pro domino Bartholomeo die XVI januarii 1498.