• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first discovered by L. Pungileoni, “Elogio storico di Raffaello Santi da Urbino”, Urbino 1829, pp. 33, 282; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 69-71.

• Transcription

lesus. In nomine Domini, amen. Anno Domini ab eius nativitate M.o ccccc.o, indictione III.a, tempore domini nostri domini Alexandri, divina providentia pape sexti, die vero XIII mensis maii, in civitate Urbini et statione tessidentie Baptiste de Ricece, que posita est in contrata Planimercati juxta stratam publicam, bona Jovaini Perantonii, et bona Fraternitatis Sancte Marie de Miseticordia de plano Mercatus, presentibus Francisco Joannis Luce Zachagne et magistro Nicolao Perii Bastario de Urbino testibus, ad hec vocatis, habitis et rogatis. Magister Pereus magistri Partis aurifaber de Urbino pro suo interesse, et nomine et vice domine Berardine eius filie et uxoris olim Joannis Sanctis Peruzoli de Urbino, pro qua sollemniter promisit, videlicet se facturum et curaturum ita et taliter cum effectu, quod dicta domina Berardina eius filia semper et omni tempote ratum et firmum habebit presentem instrumentum finis, et omnia in eo contenta aliter de suo proprio observare promixit, sub poena infrascripta, omni modo quo potuit meliori fecit finem et quietationem, absolutionem, liberationem et pactum perpetuum, de ulterius non petendo, domino Ba[r]tholomeo Sanctis predicti presenti, stipulanti et recipienti, pro se et suis heredibus, et nomine et vice Rafaelis filii dicti Joannis, heredis dicti quondam Joannis, et me notario ut publica persona stipulanti et recipienti pro dicto Rafaele absente, de summa et quantitate viginti sex florenorum ad rationem quadraginta bonenorum pro floreno. Et hoc ideo fecit dictus magister Pereus quia in presentia dictorum testium et mei notarii infrascripti fuit confessus et continuo dixit et asseruit fuisse et esse integraliter satisfactum a dicto domino Bartholomeo presenti et interroganti, iubens atque mandans dictus magister Perrus omne instrumentum seu scripturam in posterum factum et factam quoad dictos viginti sex florenos fere nullum et nullam, et iritum et iritam, et pro vanis, capsis, abolitis, nullis et iritis haberi voluit atque mandavit, liberans et absolvens dictos dominos Batholomeum et Rafaelem, per Acquil[i]anam stipulationem precedentem et acceptillationem subsequentem, legiptime et sollemniter interpositas; et per omnem alium modum per quem melius liberatio et absolutio fieri et consequi potest. Renuntians dictus magister Pereus exceptioni dicti instrumenti quietationis non sic facti, contractus non sic celebrati, exceptioni non numerate pecunie, doli mali, conditioni sine causa seu ex iniusta causa in factum, actioni fictionis et simulationis erroris juris et facti et omni alii legum et juris auxilio. Que omnia et singula in presenti instrumento contenta promisit dictus magister Perrus perpetuo firma et rata grata habere, tenere, adtendere et observare et adimplere, et in ullo contrafacere, dicere, opponere vel venire, per se vel alium seu alios, aliqua ratione vel causa de jure vel de facto, sub poena dupli dictorum viginti sex florenorum, sollemni stipulatione promissa, que poena totiens comitetur et exigi possit, quotiens contrafactum fuerit maligno predictotum, qua poena soluta, comissa, exacta vel non, perpetuo firma et ratha perdurent, jurans dictus magister Pereus ad sancta Dei Evangelia, manibus corporaliter tactis scripturis, predicta omnia et singula vera esse, et non contravenire per se vel alium ut supra, sub jam dicta poena et obligatione omnium suorum bonorum presentium et futurorum citra refactione damnorum et expensarum litis et omne aliud etc. Et ego Mattheus Ser Thome de Oddonibus de Urbino, quadra Episcopatus, publicus imperiali auctoritate notarius, predictis omnibus et singulis presens interfui et ea rogatus scribere scripsi et publicavi, signum nomenque meum consuetum apposui.