• 
  unpag

Type:Notarial
Language:Latin
Transcription Author: Matteo Mazzalupi
Published: yes
Publication Details: Identified by A. Falcioni - V. Mosconi, Apparato documentario. Regesti e trascrizioni, in Raffaello and Urbino. La formazione giovanile e i rapporti con la città natale, exhibition catalogue (Urbino, 2009), edited by L. Mochi Onori, Milan, 2009, p. 306, doc. 286

• Transcription

In nomine Domini, amen. Anno a nativitate Eiusdem millesimo CCCCLXXXX, indictione octava, tempore sanctissimi in Christo patris ac domini nostri domini Innocentii divina providentia pape octavi, die XXVIIIIa mensis martii. In civitate Urbini, in domo habitationis mei Antonii notarii infrascripti, sita in contrata Sancte Lutie iuxta viam publicam, domum ecclesie predicte et alia lattera, presentibus Bartholomeo Condii spetiario de Urbino, Tono Cechi Marinarii de Coldatio et Antonio cognomine Pazaglia Bartholi de Urbino alias de Monte Falcone testibus ad hec vocatis, habitis et rogatis. Criscentinus olim Augustini et Bernabeus Peri de villa Plani Sancti Silvestri, habitatores ville Campicavalorum, per se et eorum heredes, eo iure quod est et ipsi acquisiverunt, dederunt, revendiderunt et tradiderunt venerabili viro domno Bartholomeo et egregio viro Iohanni, fratribus et filiis ac heredibus olim Sanctis Peruzoli de Urbino alias de Colburdolo, presentibus, ementibus et recipientibus pro se et eorum heredibus, unam petiam terre vineate olim emptam per dictos Criscintinum et Bernabeum a dicto olim Sancte pro pretio XXV florenorum et cum pacto de revendendo, ut patet manu mei notarii infrascripti, positam in curte civitatis in vocabulo Vinee iuxta sua lattera et prout in dicto instrumento fit mentio, ad quod se rettulerunt, ad habendum, tenendum et possidendum et quicquid dictis emptoribus et eorum heredibus placuerit deinceps perpetuo faciendum [...].