• 11
  verso

Type:Notarial
Language:Latin
Transcription Author: John Shearman
Published: yes
Publication Details: The document was first discovered by F. F. Mancini, “Raffaello in Umbria. Cronologia and committenza. Nuovi studi and documenti”, Perugia 1987, pp. 36-37; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 79-80.
Notes: The document appears on the following folios: c. 11v-12r.

• Transcription

Eisdem millesimo [1503], indictione, pontificatu et die iovis XVIIII ianuarii. Actum Perusii in audientia notariorum, presentibus Ser Johanne Francisco Petri de Perusio porte Sancti Petri et Herculano Francisci de Perusio dicte porte, testibus ad infrascripta vocatis, habitis et rogatis. Baldus Sanctis de Castro Montis Nigri comitatus Perusii, debitor Baptiste Andrée de civitate Urbini in quantitate quindecim ducatorum auri de auro in aurum, pretestu, nomine, causa et occasione venditionis unius muli eidem Baldo dati et traditi, et vigore obligationis eidem Baptiste fatte in forma camere manu Ser Nicolai de Scotaneto notarii publici precibus et mandato dicti Baptiste suy creditoris; dictus Baldus, sponte et ex certa scientia et non per errorem, per se et suos heredes, obligando se et omnia et singula eius bona mobilia et immobilia, presentia et futura pro observatione omnium et singulorum infrascriptorum, promisit et convenit Rafayeli Johannis Sanctis de Urbino, presenti, stipulanti et recipienti, pro se et suis heredibus, et cui jus suum concesserit seu concedere voluerit, nunc et in futurum, in forma pleniori camere dare, solvere et cum effectu numerare dictos quindecim ducatos auri de auro in aurum dare, solvere et cum effectu numerare ad ipsius Rafaielis petitionem et terminum, omni exceptione et cavillatione juris vel facti remotis, declarantes quod presens quantitas una cum quantitate nominata in dicto instrumento sit una et non pluris. Et voluit, pro predictis omnibus et singulis et eorum observatione et solutione, conveniri posse Perusii, Asisii, Eugubii, Urbini, Rome, Florentie, Venetiis, Neapoli, Ancone et alibi ubique locorum et terrarum, et ubi se invenerit ibi convenire voluerit et predictam observare promisit. Renuntians exceptioni dicte non facte promissionis et obligationis et declarationis et rey non sic vel aliter geste et non celebrati presentís contractus et dicti muli non habiti et non recepti etc., juravit etc., sub pena dupli dicte quantitatis etc. et promisit facere confessionem etc.