• 91
  verso

Type:Notarial
Language:Latin
Transcription Author: John Shearman
Published: yes
Publication Details: The document was first discovered by F. F. Mancini, “Raffaello in Umbria. Cronologia and committenza. Nuovi studi and documenti”, Perugia 1987, pp. 39, 72-73; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 80-82.
Notes: The document appears on the following folios: cc. 91v-92r.

• Transcription

Die viii mensis martii. Actum Perusii in audientia artis taberne sita sub ecclesia Sancti Laurentii in maiori platea Perusina, presentibus discretis viris Ser Guido Filippi de Castro Paciani agri Perusini, porte Herburnee, et Ugolino Bartolomei Luce Vanne de Perusio, porte Sancti Angeli et parochie Sancte Helisabeth, testibus ad infrascripta vocatis, habitis et rogatis. Cum hoc fuerit et sit quod Baldus Sanctis de castro Montis Nigri, agri Perusini, porte Solis, multo detineatur in carceribus potestatis Perusii, ad petitionem magistri Rafaelis pictoris de Urbino, pro quindecim ducatis auri et expensis vigore contractus obligationis celebrati manu Ser Jacobi Christofori de Perusio publici notarii, et ex causis contentis in dicto contractu, et velit dictus Baldus habilitari et exiri a dictis carceribus, et tamen reddere cautum dictum magistrum Rafaelem, nominibus in dicto instrumento contentis, eapropter Sanctes Baldi de dicto castro, pater dicti Baldi carcerati, sciens se ad hec non teneri sed sponte teneri velie etc., per se et suos heredes, obligando se et omnia et singula eius bona mobilia et stabilia, presentia et futura, pro observatione infrascriptorum, promisit et convenit dicto magistro Rafaeli et mihi notario uti publice persone presenti, stipulanti et recipienti, pro omnibus et singulis habentibus interesse in dicto instrumento ut supra confecto manu dicti Ser Jacobi occasione contentorum in dicto instrumento et eorum heredibus et cui jus eorum concesserint dare, solvere et integre et cum effectu numerare dicto magistro Rafaeli, et aliis habentibus interesse, dictos quindecim ducatos et expensas legitimas, hinc ad et per totam octavam pascalis resurrectionis domini nostri Iesu Christi proximam futuram, et abinde in posterum ad omnem ipsius magistri Rafaelis et omnium aliorum habentium in hoc interesse petitionem, rem et voluntatem. Et hoc fecit dictus Sanctes pro eo quia sic voluit, et sic facere sibi bene placuit, et ut habilitaret et exireret dictum Baldum a dictis carceribus in quibus detinetur, quem Sanctem Filippus domini Benedicti de Perusio porte Sancti Angeli mercator approbavit et asseruit fuisse et esse idoneum et sufficientem pro dicta quantitate pecunie et expensis predictis, et ex nunc dictus magister Rafael habilitavit dictum Baldum quod durante dicto termino ipse Baldus possit et valeat se conferre ad dictam civitatem Urbini, et promisit eidem Sancti facere et curare ita et taliter cum effectu quod dictus Baldus filius dicti Sanctis pro dicta quantitate pecunie et expensis predictis non molestabitur ab aliquo alio dicto durante termino, sub ipoteca et obligatione omnium et singulorum suorum honorum. Renuntiantes etc., juraverunt etc., et promiserunt non venire contra etc., sub pena dupli dicte quantitatis pecunie, quam penam etc., qua pena etc., et de predictis promiserunt facere confessionem etc.