• 60
  recto
• 60
  verso

Type:Notarial
Language:Latin
Transcription Author: Anna Falcioni e Vincenzo Mosconi
Published: yes
Publication Details: Published by L. Pungileoni, Elogio storico di Giovanni Santi pittore e poeta, padre del gran Raffaello di Urbino, Urbino, 1822, pp. 133-134, and by A. Falcioni - V. Mosconi, Apparato documentario. Regesti e trascrizioni, in Raffaello and Urbino. La formazione giovanile e i rapporti con la città natale, exhibition catalogue (Urbino, 2009), edited by L. Mochi Onori, Milan, 2009, pp. 307-308, doc. 308
Notes: Transcription by A. Falcioni and V. Mosconi revised by M. Mazzalupi.

• Transcription

se habere plenam notitiam et scientiam de sustantiis et facultatibus paternis et maternis et extimatione et valore bonorum dictorum eius parentum et se plene de predictis informatam, renuntians primo et ante omnia beneficio Veleani [...], dicto Petro eius patri, presenti et recipienti vice et nomine Thome et Benedicti, filiorum masculorum dicti Petri et fratruum dicte domine Berardine, et eorum heredum, cessit et concessit omnia iura que habuit, habet vel habere posset in bonis dictorum eius parentum quandocumque et quomodocumque nec non renunciavit omni iuri quod habet vel habere posset in dictis bonis nunc et in futurum quomodocumque, constituendo dictos eius fratres procuratores tanquam in rem eorum et ponendo eos in locum suum [...]. Et hoc fecit dicta domina Berardina cum consensu et auctoritate predictorum, quia sic sibi facere placuit et quia dictus Petrus eius pater dicto Iohanni eius viro et ipsi domine Berardine, uxori dicti Iohannis et filie dicti Peri, per se et eius heredes, omni iuris et facti exceptione remota, se et sua bona obligando, promisit et convenit pro dote et dotis nomine dicte domine Berardine dare, solvere et numerare dicto Iohanni eius viro seu ipsi domine Berardine, presentibus et acceptantibus ex causa dotis predicte et pro omni eo et toto quod habere, petere, exigere aut consequi posset dicta domina Berardina de bonis maternis et paternis, florenos ducentos, hoc est quatricentas libras bolonenorum monete veteris urbinatis, videlicet florenos centum ad dictam rationem de bonis ipsius Petri et alios centum florenos de bonis dicte domine Caterine eius uxoris et matris dicte domine Berardine, modis et in terminis infrascriptis, videlicet florenos quinquaginta ad dictam rationem per totum mensem augusti proxime futurum et residuum usque ad dictam quantitatem ducentorum florenorum infra tres annos proxime deinde sequturos post dictum primum terminum, incipiendos in calendis septembris proxime sequturi, videlicet quolibet anno dictorum trium annorum florenos quinquaginta, usque ad integram satisfactionem totius dicte summe, et deinde, elapsis dictis terminis, ad omnem petitionem et terminum dicte domine Berardine seu dicti Iohannis eius viri. [...] Et ego Ludovicus condam magistri Baldi aurificis de Urbino et quatra Episcopatus, publicus imperiali auctoritate notarius [...].