• 1416
  verso

Type:Notarial
Language:Latin
Transcription Author: John Shearman
Published: yes
Publication Details: The document was first discovered by 'G.P' (Pompeo Gherardi?), 'Raffaello Sanzio: Cenni biografici', in 'Il Raffaello' V 1873, 2 and passim; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 86-92.
Notes: The document appears on the following folios: cc. 1416v-1418r.

• Transcription

Eisdem millesimo [1505], indictione, pontificatu et die veneris XII decembris etc. Actum Perusii in capella infermarie Sancti Francisci de Monte de Perusio extra muros, porte Sancti Angeli, presentibus Alovisio Laurentii Alovisii de Perusio porte Sancte Suxanne et fratre Bonaventura Ser Petri Herculani de Perusio dicti ordinis, testibus ad infrascripta vocatis, habitis et rogatis. Magister Rafaiel Johannis Sanctis de Urbino et Robertus Johannis Marci de Perusio porte Solisi pictores, sponte et ex certa scientia et non per errorem, per se ipsos et eorum heredes, obligando se et omnia et singula eorum bona mobilia et immobilia, presentia et futura, pro observatione omnium et singulorum infrascriptorum, promisserunt et convenerunt Ser Berardino Ser Petri de Canario, sindico et procuratori sororum, capituli et conventus Sancte Marie Montis Luccidi de Perusio extra muros porte Solis, et mihi notario infrascripto tanquam publice persone, presentibus, stipulantibus et recipientibus pro sororibus, capitulo et conventu dicte ecclesie et eorum sucessoribus, et cui jura eorum concesserint seu concedere voluerint nunc et in futurum facere, construere et depingere una tavola sive cona sopra l'altare grande de la chiesa de fuore de dicta chiesa, de quella perfectione, proportione, qualità et conditione de la tavola sive cona existente in Nargne nella chiesa de San Girolamo del luoco menore, et etiam de colore et figure, numero et più et ornamente commo in dicta tavola se contiene, et de megliore perfectione si è possibile. Et le dicte figure promecte fare dicto mastro Rafaiello in dicta cona de mano sua propria in temporum extreme de doi anni proximi da veniri, da inchomenzarse in calende de genaio proximo da venire, et da fenire commo sequirà condocta in dicta chiesa a tucti loro [sostituito con "suoi"] spese excepto la gabella, la quale sieno tenuti pagare et le vecture. Et hoc fecerunt quia dictus Ser Berardinus, sindicus et procurator predictus, habens ad infrascripta omnia plenum et sufficiens mandatum, de quo constat et apparet manu meii notarii infrascripti agens cum instrumento de presentia, consensu et voluntate fratris Francisci de Venetiis guardiani fratrum, capituli et conventus ecclesie Sancti Francisci de Monte, obligando dictas sorores principales et earum sucessores et omnia et singula bona dicte ecclesie Sancte Marie, mobilia et immobilia, presentia et futura, pro observatione omnium et singulorum supra et infrascriptorum, promisit et convenit dictis magistris Rafaieli et Roberto presentibus, stipulantibus et recipientibus, pro se ipsis et eorum heredibus, et cui jura eorum concesserint seu concedere voluerint, nunc et in futurum, dare, solvere et cum effectu numerare ducatos centum septuaginta septem auri de Camera hoc modo, videlicet ducatos triginta auri de Camera ad eorum petitionem et r[equisitionem], et in medio operis ducatos triginta auri, et in fine dicti operis residuum dicti pretii. Et casu quo facerent dictam conam melioris perfectionis quam tabule sive cone existentis in Nargne, quod tunc et eo casu promisit et convenit dare et solvere prout judicabitur per guardianum et vicarium Montis qui pro tempore erunt una cum uno pictore eligendo per dictos fratres. Et similiter si esset minoris perfectionis et qualitatis, quod tunc debeat fieri defalcatio dicti pretii ut supra promissi prout judicatum fuerit per eos. Et si in dictum tempus non conducerunt dictam conam sive tabulam in dicta ecclesia Sancte Marie sub obligatione predicta, promisserunt et convenerunt dicto sindico et procuratori et mihi notario infrascripto, ut supra stipulanti et recipienti, dare et solvere loco interesse ducatos quadraginta auri de Camera, pro quibus quidem magistro Rafaiele et Roberto et eorum precibus et mandato. Cornelius olim Peri de Randolis porte Heburnee et Venciolus domini Sacramorris porte Sancti Angeli cives Perusini solempniter fidejuxerunt qui, [as]serentes [Gnoli e Golzio traducono: "solemniter juraverunt pro sororibus se ad infrascripta omnia"] se ad infrascripta omnia non teneri sed teneri velle et efficaciter obligari, ex certa scientia et non per errrorem, ut principales et private persone, per se ipsos et eorum heredes, obligando se et omnia et singula eorum bona mobilia et immobilia presentia et futura, pro observatione omnium et singulorum supra et infrascriptorum, promisserunt et convenerunt dicto sindico et procuratori et mihi notario infrascripto ut supra stipulantibus et recipientibus facere et curare ita et taliter cum effectu quod dicti magistri Rafaiel et Robertus facient, tenebunt, attendent et observabunt omnia et singula ut supra per eos promissa, que si non facerent et observarent de eorum proprio facere, tenere, attendere et observare promisserunt omni exceptione et cavillatione juris vel facti remotis. Et hoc fecerunt quia sic voluerunt et sic eis et cuilibet eorum beneplacuit, et omne quia dicti magistri Rafaiel et Robertus sub obligatione predicta promisserunt et convenerunt dictis Cornelio et Venciolo eorum fidejuxoribus presentibus, stipulantibus et recipientibus, pro se ipsis et eorum heredibus, et cui jura eorum concesserint seu concedere voluerint, nunc et in futurum, ipsos et quemlibet eorum et ipsorum heredes, res et bona semper et omni tempore indempnem, indempnes et indempnia conservare ab eadem fidejuxione et promissione ut supra pro eis facta. Et voluerunt dicte partes et dicti fidejuxores, pro predictis omnibus et singulis et eorum observatione et solutione, conveniri posse Perusii, Asisii, Eugubii, Rome, Senis, Florentie, Urbini, Venetiis et alibi ubique locorum et terarum, et ubi una pars alteram invenerit ibi conveniri voluerint. Et predictam observare promisit Bertus inter se ad invicem singula singulis, referendo exceptione dicte non facte promissionis et obligatione fidejuxionis et conservationis indempnitatis et beneficio novarum constitutionum de fidejuxoribus et pluribus reys debendis et capitule dimidivari [sic] et rey non sic vel aliter geste et non celebrate presentis contractus et non factorum, non promissorum et non conventorum, omnium et singulorum supra et infrascriptorum et omni alii legum juris auxilio, consuetudini et statuto. Et hec omnia et singula supra et infrascripta promisserunt et promittendo juraverunt ad sancta Dei Evangelia, scripturis corporaliter manu tactis, predicta omnia et singula bona fuisse et esse et ea perpetuo non tenere, attendere et observare, et in nullo contra facere vel venire, per se vel alium seu alios aliquo modo, jure vel causa, sub ipoteca et obligatione omnium et singulorum bonorum dictorum magistri Rafaielis, Roberti, Cornelii et Vencioli et dicte ecclesie Sancte Marie mobilium et immobilium, presentium et futurorum, et pena dupli supradicte quantitatis, quam penam pars non observans pacti observanti et observare volenti dare et solvere solempni stipulatione promisit si contrafecerit vel venerit, et ea pena soluta vel non, hec omnia et singula rata sint et firma, et de predictis omnibus et singulis sic tenendis, attendendis, adimplendis et firmiter observandis, et de pena solvenda si commissa fuerit, promiserunt facere confessionem coram judice Communis Perusii ecclesiastico et seculari, et coram quolibet alio judice competenti ad partis petentis et cuius peterent petitionem etc.