• 66
  recto

Type:Institutional record
Language:Latin
Transcription Author: John Shearman
Published: yes
Publication Details: The document was first discovered by C. Ricci, “Appunti and documenti Raffaelleschi”, in “Rassegna marchigiana per le arti figurative, le bellezze naturali, la musica”, II, 1923-24, pp. 226-230; the present transcription is taken from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 150-53.

• Transcription

[a margine: Officium] Motu proprio etc. Dilecto filio Raphaeli, Johannis de Urbino scolari, Urbinatensi pictori in palatio nostro, ut commodius sustentari valeat de offitio scriptoris brevium apostolicorum, per obitum quondam Vincentii Capucii nuper dictorum brevium scriptoris apud sedem apostolicam vacante officium predictum sic vacans, cum omnibus illius honoribus, oneribus et emolumentis consuetis, eidem Raphaeli concedimus et assignamus; ipsumque ad illud in ipsius Vincentii locum substituimus et surrogamus, nec non aliorum huiusmodi Brevium Scriptorum numero et consortio favorabiliter aggregamus, eumque ex nunc ad dictum officium eiusque liberum exercitium, honoresque, onera et emolumenta predicta in locum dicti Vincentii recipiendum et admittendum fore decernimus. Non obstantibus constitutionibus et ordinationibus et ordinationibus [sic] apostolicis ac statutis et consuetudinibus dicti officii juramento etc., roboratis ceterisque contrariis quibuscunque. Fiat motu proprio J. Et cum clausula absolutionis ad effectum. Et cum concessione, assignatione, substitutione, surrogatione et decreto prepetitis. Et cum derogatione quorumcumque statutorum, privilegiorum et indultorum dicto officio concessorum latissima. Et quod presentis supplicationis sola signatura sufficiat et in judicio et extra illud plenam fidem faciat absque aliqua litterarum expeditione. Fiat J. Datum Rome apud Sanctum Petrum, quarto nonas octobris, anno octavo.