• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first made known by in Anon, “ Memorie storiche della chiesa di San Giovanni in Monte di Bologna”, Bologna 1854, p. 8; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 267-68.
Notes: The original is lost, and this follows a later version.

• Transcription

Cessio jurium facta ad favorem canonicorum Sancti Johannis in Monte de Bononia. In Christi nomine, amen. Anno nativitatis eiusdem millesimo quingentesimo sexto decimo, indictione quarta, die vero martis nona mensis septembris, tempore pontificatus sanctissimi in Christo patris et domini nostri domini Leonis divina providentia pape decimi. Comendabillis et honesta mulier domina Hellena quondam Ser Sciverii de Dugliolo, vidua et uxor olim Ser Benedicti de Oleo civis et notarii Bononiensis capituli Sancti Jhoanis in Monte, sponte et ex certa eius scientia animoque delliberato [...]. Dedit, cessit, transtulit et mandavit reverendo patri domino Dono Gaspari Vercellensi ordinis Canonicorum Regularium Sancti Augustini de observantia, congregationis Lateranensis Salvatoris de Urbe, moderno priori monasterii, ecclesiae et conventus Sancti Victoris extra et prope Bononiam et Sancti Ioanis in Monte intra Bononiam canonice unitorum et mihi notario infradicto ut publice persone, ambobus presentibus, stipulantibus et recipientibus vice et nomine dicti monasterii et ecclesie et ad utillitatem eiusdem [...] quod prefacta domina cedens habuit et habet et eidem competunt et spectant ac spectare et competere reperirentur, ut possent in una possessione terre arratorie, arborate, vidate, olivete, prative et nemorose cuiuscumque quantitatis tornaturarum existat, cum domo, fumo, area, horto, cortili et aliis superextantiis, posita in guardia Var[i]gnane comitatu Bononiae in loco dicto ‘alla Capella’ iuxta viam publicam a duobus lateribus, iuxta Dominicum Mazutii, iuxta heredes Raphanini Mazzuti, iuxta Annibalem de Gozzadinis a duobus lateribus et alios confines [...]. Et hoc ideo fecit dicta domina Helena cedens predicta animo et intentione et ad finem et effectum ut dicta possessio, et omne id et totum quod per prefactum reverendum dominum Priorem et canonicos predictos exactum et recuperatum fuerit a dicto Gaspare Raphanini detentore et occupatore predicto, cedat in dotem et pro dote unius capelle quam prefacta domina Helena jam est annus fundavit et de novo errexit ac fundari, erigi et construi fecit in ecclesia Sancti Ioanis in Monte predicti, iuxta capellam illorum de Scaranis a latere de super sub titolo Sancte Cicilie et ad laudem, gloriam et honorem omnipotentis Dei. In qua capella voluit prefacta domina Hellena per prefactos dominos canonicos regulares cellebrari debere singulis diebus missas et sic promisit prefactus Reverendus dominus Prior quod prefacti domini canonici facient et quod orabunt et alias oraciones fundent ad Dominum pro dicta domina Hellena et suorum defunctorum animabus [...]. Actum Bononiae in capitulo Sancti Jhoanis in Monte, in capite scale ante caminum superiorem domus habitationis prefacte domine Hellenae, presentibus ibidem nobili comite Andrea olim comitis Andalai de Bentivoliis Bononie cive et Thadeo quondam Dominici de Passeribus de Alice pro ambobus habitatoribus in domo et capella predictis, qui ambo dixerunt [et] rassuerunt se partes predictas bene cognovisse [...]