• 
  unpag

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 103.

• Transcription

Magistri Petri Christophori emptio. In nomine D. Amen, Anno, die XXIII Mensis Aprilis. Actum Perusii in Audientia Artis Cambi, presentibus, etc.. Cristoforus Antonii Britii, de Castro Plebis Dioecesis Clusinae, per se, etc. dedit, vendidit, tradidit, cessit et concessit Magistro Petro Cristofori de Castro Plebis, civi perusino, pictori excellentissimo, praesenti, stipulanti, et recipienti pro se et suis haeredibus, etc. unum petium terrae vineatum, et arboratum, et olivatum, positum in pertinentiis dictae terrae Castri Plebis in Vocabulo Sancta Lucia; fines: Laurentius Gasparis de dicta terra, strata, haeredes Francisci Vannis, fossatum, etc. ad possidendum, vendendum, alienandum, etc. quam quidem venditionem et cessionem fecit dictus venditor eidem emptori pro pretio, et nomine pretii, et solutione septuaginta octo flor., quos praefatus venditor fuit contentus et confessus habuisse et recepisse, et habuit et recepit in contanti; in pecunia, et auro a dicto Petro Magistro, et pro eo ab haeredibus Alfani et Sentii, in presentia dictorum testium et mei Notarii infrascripti, etc. de quibus LXXVIII flor. pro pretio praedicto praefatus venditor fecit dicto emptori refutationem, etc. Pro quibus omnibus et singulis et earum observatione voluit dictus venditor conveniri posse hic Perusii, Fiorentiae, in dicta terra Castri Plebis, Romae, Neapoli, Venetiis et ubique locorum, terrarumque ubi inventus fuerit, et dicto Magistro Petro videbitur et placebit, etc..