• 178
  recto

Type:Notarial
Language:Latin
Transcription Author: Piero Luigi Menichetti
Published: yes
Publication Details: Published by G. Martines, 'Francesco di Giorgio a Gubbio in tre documenti d'archivio rinvenuti e trascritti da Pier Luigi Menichetti', Ricerche di storia dell'arte, 11, 1980, pp. 68-69, and by S. Capaninli, 'Gli architetti del Palazzo', in Il Palazzo Ducale di Gubbio and Francesco di Giorgio Martini, edited by S. Capaninli, Gubbio, 2008, pp. 165-166
Notes: Transcription by P. L. Menichetti revised by Matteo Mazzalupi.

• Transcription

In nomine Domini, amen. Die XVII mensis maii, in supradicta domo mei notarii, presentibus Bartolomeo Antonii Cellis de villa Vignoli et Fanne Nannis de castro Turris et Rentio Spagne de villa Submontis comitatus Eugubii testibus ad infrascripta adhibitis et vocatis. Spectabilis vir Franciscus Georgii de Senis, vice et nomine illustrissimi domini nostri domini Federici ducis Urbini etc., dedit et locavit infrascriptum opus magistro Iohanni Iacobi, magistro Petro magistri Laurentii et magistro Galeazo ser Ferandi de Riva Sancti Vitalis, diocesis cumane, provintie Lombardie, presentibus et conducentibus, videlicet quendam murum fabricandum pro castro et ad castrum Costacciarii cum quibusdam turrionibus et cum revellino et cum quibusdam fontibus voltatis sub dicto revellino, secundum designationem et ordinationem factam et que fieri contigerit per prefatum spectabilem virum Francischum. Et eidem Francisco per stipulationem intervenientem solemniter promiserunt ipsum opus fabricare et murare fideliter ad usum bonorum magistrorum et ad approbationem ipsius Francisci. Et hec promiserunt facere omnibus ipsorum magistrorum sumptibus quo ad victum etc. (?) et fodere omnia fundamenta oportuna secundum quod dixit sive dixerit prefatus Franciscus. Cum hoc, quod Commune et homines de Costacciario preparent et apportent ad locum predictum calcem, arenam, lapides et lignamina pro armatura et calcem extinctam prima vice, cetera faciant et facere teneantur ipsi magistri. Et hoc pro mercede quinquegintaocto bononenorum veterum pro qualibet canna muri grossitudinis duorum pedum, danda et solvenda eis per prefatum illustrissimum dominum. Que omnia dicti conductores observare et adimplere promiserunt etc. sub pena centum ducatorum pro quolibet eorum contrafaciente. Qua pena soluta vel non, rata et firma manere pepigerunt predicta omnia. Iuraverunt insuper dicti conductores predicta omnia et singula observare et adimplere et non contrafacere aliqua ratione vel causa.