• 14
  verso

Type:Institutional record
Language:Latin
Transcription Author: Fiorenzo Canuti
Published: yes
Publication Details: Published by F. Canuti, Il Perugino, Siena, 1931, vol. II, p. 133 (previously in C. Guasti, Passavant, Raffaello d’Urbino e il padre suo Giovanni Santi, Florence, 1899, vol. I, pp. 332-333)

• Transcription

- Die X julii 1487 – Praefati octo viri adunati, omnes etc. actento qualiter Pierus Cristophori, pictor de Perusio, de mense decembris anni proximi praeteriti, 1486, animo et intentione excessus, mallefitium et delictum committendi, pluries et pluries una cum Aulista Angeli de Perusio, nocturno tempore, accesserunt armati quibusdam bastonibus in popolum Sancti Petri Maioris de Florentia, ut quemdam percuterent et ferirent histis bastonibus, et qualiter dictus Pierus conduxit Aulistam praedictum, occasione et causa rei turpis, et paedicta et quaelibet praedictorum vera fuerunt, et sunt, prout ex praedictorum Pieri et Auliste confessione dicti octo viri constare asseruerunt, et ideo ad faciendum ius et iustitiam, vigore eorum auctoritatis, potestatis et baliae, servatis servandis, obtento partito secundum ordinamenta, deliberaverunt sententiaverunt et condemnaverunt dictum et infrascriptum Pierum Cristophori, pictorem de Perusio, in florenis viginti auri lar. in auro fl. 20 l. dandis et solvendis Provisorii eorum officii, pro expensis dicti officii, recipiendis secundum ordinamenta, cum salvo quod si dictus Pierus per totam diem crastinam dederit et solverit Provisori praedicto, ut supra recipienti, florenos decem auri lar. in auro, tali casu dictus Pierus intelligatur vere, et sit omnino liber et absolutus a maiori summa praedicta. Mandamus etc.