• 279
  verso

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 104

• Transcription

Sub eodem millesimo, inditione, et tempore; die vero 13 Decembris. Actum in Ecclesia S. Bernardi, posita in platea terrae, etc. praesentibus Laurentio Gasparis, Guglielmo ser Gherardi, et Onofrio Egidii Onofrii de Castro Plebis, testibus ad infrascripta vocatis, habitis, et rogatis, etc.. Magister Petrus Christophori Vannutiolis per se et suos haeredes obligando se etc. promisit et convenit Jacobo et Angelo Busce sive Johannis Christophori Vannutiolis, nepotibus dicti magistri Petri, praesentibus, stipulantibus, et recipientibus pro se omnibusque ipsorum haeredibus, etc. dare, tradere, et cum effectu numerare florenos triginta monetae novae, faciens de praedicta quantitate donationem, et hoc pro omni eo et toto, quod dicti Jacobus et Angelus petere et exigere quo quomodo potuissent, tam occasione divisionis bonorum paternorum, quam etiam pro dotibus extraendis et recavandis ad dictam haereditatem. Ita et taliter quod dicti Jacobus et Angelus non possint nec debeant, nec aliquo modo exigere possint aliquid amplius ultra dictam quantitatem dictorum triginta florenorum, quam quantitatem dictus magister Petrus promisit eisdem dare et solvere et cum effectu numerare, et ad petitionem ipsorum; hoc tamen declarato quod teneantur et debeant eidem facere finem, et finalem refutationem, et quietationem ; qui Jacobus et Angelus praedicti per se et corum haeredes fecerunt dicto magistro Petro, presenti, et stipulanti per se, etc. finem et finalem refutationem, absolutionem generalem; et sic versa vice dictus magister Petrus fecit praedictis finalem refutationem et generalem, ita et tantum quam una pars alteri, et altera alteri numquam deinceps possit aliquid petere inter se ad invicem tam de bonis paternis, quam de dotibus, quam et de fructibus perceptis, etc. ita etc. etc. quia, praesens refutatio fit generalis, et generalissimo modo in omnibus se estendens, promittentes omnia suprascripta rata, grata, et firma tenere, et in nullo facere etc..