Italian Renaissance Document Site

[nel margine sinistro c'e la seguente annotazione: Monasterium Sancti Petri cum Benedicto Buonfilglii pacta]. In Dei nomine, amen. Anno Domini millesimo CCCCXLVII, indictione X, tempore domini Nicolai divina providentia pape quinti, die quarto mensis decembris. Actum in monasterio Sancti Petri de Perusio, presentibus Bartholomeo lohannis bambacario porte Sancti Petri parochie Sancte Marie de Colle habitatore in dicta porta et parochia Sancte Crucis et Luca Agustini Luce porte Solis parochie Sancti Antonii, testibus ad infrascripta vocatis, habitis et rogatis. Benedictus condam Buonfilgli Egidii Vannis porte et parochie Sancti Petri, cui Egidio infrascripta petia terre fuit ad livellum concessa in tertiam generationem et dictus Benedictus sit ultimus de tertia generatione secundum asertionem ipsius, volens possessionem infrascripte petie terre dimictere et relapsari dicto monasterio tamquam rem satis dicto monasterio utilem et bonis dicti monasterii contiguam et propinquam ideo quod cum infrascriptis ad infrascriptum contractum devenit, videlicet quia dictus Benedictus, omni exceptione et condictione iuris et facti remotis, per se et suos heredes, obligando se et sua bona presentia et futura pro observatione infrascriptorum, dedit, tradidit, cessit, concessit atque remisit venerabilibus viris donno Benedicto de Florentia priori ad presens in dicto conventu [depennato: et mo] et monasterio Sancti Petri, donno Augustino de Frinoli et donno Blasio de Florentia ad presens presidentibus in cura, regimine et administratione temporali et spirituali dicti monasterii propter absentiam donni abbatis dicti monasterii absentis ad presens a civitate et comitatu Perusii, presentibus, stipulantibus, recipientibus et aceptantibus pro dicto monasterio et eius capitulo et conventu, omne ius omnemque actionem, petitionem realem et personalem utilem et directam, tacitam et expressam, pretoriam et civilem , generalem, particularem et universalem et omne maliam quod et quam idem Benedictus habet, habere posset videtur et sperat in vita sua seu aliter in quadam petia terre livellaria dicti monasterii sita in contrata et vocabulo Luciane, fines a duobus [depennato: via] res dicti monasterii, ab alio via, ab alio res olim Petri Lelli et alia latera, ad ipsum Benedictum pertinentia et competentia vigore refirme facte dicto olim Egidio seu alias vel alio quovis modo, ad habendum, tenendum etcetera ponens idem Benedictus donnos presidentes in locum suum etcetera, quam quidem cessionem, concessionem et omnia supra et infrascripta fecit dictis presidentibus pro dicto monasterio recipientibus pro eo quia dictus prior et presidentes ut supra per eos et eorum subcessores, obligando res et bona dicti monasterii presentia et futura pro observatione infrasctiptorum, cum pactis et condictionibus infrascriptis dicto Benedicto presenti, stipulanti, recipienti et aceptanti pro se et pro domina Flore eius matre et durante invita ipsorum seu alterius eorum ita quod ius morientis predictorum Benedicti et domine Floris deveniat ad alium ex ipsis superviventem pleno iure in vita ipsius tamen et non ultra ex quadam petia terre libera dicti monasterii sita in contrata et vocabulo ville Sancti Christofori de Piscillis, fines a uno via, ab alio Franciscus ser Antonii, ab alio Berardus Berardelli, ab alio Antonius Marci calçolarius et alia latera vel si alios, plures, meliores aut veriores haberet confines, ad habendum, tenendum, possidendum, utendum et fruendum ut supra ponentes dictum Benedictum recipientem ut supra in locum dicti monasterii etcetera pro dictis fructibus et usufructibus tamen promictentes hinc inde quod de dictis fructibus et usufructibus tamen et de supradicta petia terre nemini alii ius aliquod est datum etcetera quod si appareret etcetera et possessionem huiusmodi bonorum promiserunt hinc inde modis quibus supra [depennato: s] dare et tradere vacuam, liberam etcetera quam accipiendi etcetera hiis pactis appositis in presenti instrumento de voluntate partium predictarum, videlicet quod dictus Benedictus teneatur et debeat omnibus suis sumptibus et expensis infra tres annos proxime futuros hodie incipiendos et finiendos ut sequitur dictam petiam terre totam et integram pasturari ad vineam et in ipsa de novo plantare et ponere vineam et quod finito dicto tempore dictam petiam terre vite predictorum [depennato: seu] amborum cum omni melioramento et dicta pasturatura seu vinee plantature sit et esse debeat pleno iure absque alique emolumento seu solutione fiendis per dictum monasterium, et in casu in quo dicta pasturatura seu plantatura predicta non fieret per dictum Benedictum tunc et eo casu idem Benedictus teneatur et debeat reficere et resarcire omnia et singula dampna, expensas et interesse que et quas seu ad que et quas idem monaci et monasterium predictum danpnificaretur et in danpno versaretur seu versatum sit sed ex causa predicta. Renunptiantes etcetera iurantes etcetera sub pena dupli etcetera et promiserunt facere confessionem etcetera.

Benedetto Bonfigli returns a plot of land in Luciane to the monks of St Peter's, Perugia.