• 76
  verso

Type:Communal record
Language:Latin
Transcription Author: Lidia Mazzerioli
Published: yes
Publication Details: M. Gualandi, 'Memorie originali italiane', V, Bologna 1844, p, 8; the present transcription is taken from F. F. Mancini, 'Benedetto Bonfigli. L'opera completa', Perugia 1992, p. 151.

• Transcription

Electio et deputatio magistrorum ad videndum tabulam Salvatoris [il titolo della rubrica è scritto nel margine sinistro del foglio]. Dicta die. Cum tabula Salvatoris que defertur singulis annis in processione et luminaria que fit ad ecclesiam Sancte Marie de Monte Lucido in vigilia Asumptionis ipsius beate Virginis sit noviter depicta et ornata per Batistam magistri Baldassaris de Perusio pictorem, qui offert se paratum ipsam restituere cum ipsam ad finem deduxerit, et secundum formam cedule et pactorum factorum et initorum inter ipsum Batistam et superstites deputatos ad predicta debeant eligi duo magistri per dominos priores qui debeant videre si dicta tabula est depicta secundum formam et modum designationis prius per ipsum facte et etiam ad usum boni magistri, qua de re volentes prelibati magnifici domini priores devenire ad electionem dictorum magistrorum, elegerunt, nominaverunt, vocaverunt et deputaverunt ad predicta infrascriptos magistros, videlicet magistrum Marianum Antonii pictorem de Perusio porte Sancte Subxanne, magistrum Benedictum Bonfigli pictorem de Perusio porte Sancti Petri et magistrum Merchiorrem scultorem de Civitate Castelli habitatorem in civitate Perusii, presentes et acceptantes, qui de mandato dictorum dominorum priorum iuraverunt ad sancta Dey evangelia corporaliter manu tactis scripturis, et quilibet eorum iuravit predicta videre et referre in eorum conscientia.