Italian Renaissance Document Site

[Il titolo della rubrica è scritto nel margine sinistro del foglio] Reportus magistrorum supradictorum. Dicta die. Constituti personaliter coram prelibatis magnificis dominis prioribus existentibus collegialiter congregatis in audientia ante capellam palatii eorum residentie omnibus decem antescripti, magister Marianus, magister Benedictus et magister Merchior supra proxime nominati retulerunt se vidisse dictam tabulam et eius sculturam et picturam, et primo dictus Marianus dixit quod de scultura facta in ipsa tabula ipse non bene potest iudicare quod est magisterium de per se a magisterio picture et ipse non intelligit partes ipsius sculture, quoad picturam vero dixit quod suo iuditio dicta tabula est bene depicta secundum magisterium ipsius Batiste et secundum intelligentiam et industriam ipsius Batiste, et dictus magister Benedictus dixit quod dicta tabula suo iuditio est bene depicta ad usum boni magistri et est recipienda, et dictus magister Merchior scultor dixit quod dicta tabula habet certos defectus in scultura et non est facta secundum formam cedule et designationis et in aliquibus partibus deficit et in aliquibus dictus Batista fecit ultra designationem aliqua ornamenta et sic potest compensari una res cum altera adeo quod sibi videtur quod dicta tabula sit recipienda per ipsos dominos priores vice et nomine dicti communis et quod sit deferenda in processione celebranda crastina die de sero ut alias ordinatum fuit.

Benedetto Bonfigli, along with other artists, carries out the appraisal of Battista di Baldassarre's work, expressing a positive verdict, esprimendo un giudizio positivo, Perugia.