Italian Renaissance Document Site

Die XXIIII mensis februarii. Actum Perusii in cancellaria hospitalis Sancte Marie de Misericordia, presentibus Angelo Benedicti de Perusia porte Solis, Luca Massoli de castro Fracticiole Condiciesche comitatus Perusii porte Solis et lohanne Pauli de villa Sancti Iannis comitatus Perusii porte Sancti Petri, testibus etcetera. Magister Benedictus condam Bonfigli pictor de Perusio, porte et parochie Sancti Petri, nomine suo proprio et ut maritus et procurator domine Giolive filie olim Menecutii polaioli de Perusio porte Solis, per se etcetera, obligando se et omnia eius bona et bona dicte Giolive presentia et futura pro infrascriptorum omnium et singulorum observatione, dedit et locavit ad coptumum et nomine coptumi Silvestro Gostanzi alias de l'Albanese et Angelo filio dicti Silvestri de castro Columelle comitatus Perusii, porte Solis, presentibus, stipulantibus et recipientibus pro eis et eorurn heredibus etcetera, unum tenimentum terre sodum positum in pertinentiis castri Collis Tecchi in vocabulo el Colle de San Giustino, fines cuius ab uno flumen rivi Arnis, fines cuius ab uno dictum ["dictum" ripetuto e non depennato] flumen, a duobus vie et ab alio Angelus Fanconis, item unam aliam petiam terre sodam positam in dictis pertinentiis et vocabulo, fines cuius ab uno via, ab alio res ecclesie Sancti Giustini et ab alio Ugolinus Iacobi Coradini vel si alios etcetera, ad habendum, utendum et froendum pro tempore quinque annorum proxime futurorum, incipiendorum in chalendis mensis augusti proxime futuri, quo tempore durante promisit dictus locator dictis nominibus eisdem conductoribus, ut supra recipientibus, supradicta bona ut supra ad coptumum concessa non reauferre nec reauferri facere per se vel alium etcetera. Et hoc fecit dictus locator nominibus quibus supra pro eo quia dicti Silvester et Angelus eius filius, agens dictus Angelus omnia et singula supra et ["supra et" in interlinea con segno di inserzione nel testo] infrascripta de presentia, licentia et consensu et voluntate dicti Silvestri sui patris etcetera et uterque ipsorum principaliter et in solidum etcetera per eos et eorum et utriusque eorum heredes, obligando se et omnia eorum et utriusque eorum bona presentia et futura pro infrascriptorum omnium et singulorum observatione, promiserunt et convenerunt dicto magistro Benedicto, presenti, stipulanti et recipienti pro se et dicta domina Gioliva eius uxore et eorum heredibus etcetera, dare et tradere, mensurare et consignare eisdem Benedicto et domine Giolive pro toto dicto tempore eminas quatuordecim grani boni et puri [nel testo "auri" depennato] grani ad mensuram culmam communis Perusii, videlicet ratam dicti grani tempore quo seminabuntur dicte terre et abinde inantea ad ipsius magistri Benedicti et ipsius domine Giolive petitionem et terminum, et apportare Perusium omnibus ipsius conductoris sumptibus et expensis, quarum rerum [nel testo "dominus Marianus" depennato] dicti conductores fuerunt confessi et contenti habuisse et recepisse [nel testo "con " depennato] corporalem possessionem, et finito dicto tempore reddere et relapsare vacuam, liberam et expeditam et a nemine occupatam de suo dato et facto tantum. Renuntiantes inter se ad invicem dicte partes etcetera et iuraverunt etcetera et expresse renunptiaverunt dicti conductores beneficio novarum constitutionum de fidiussoribus etcetera et pena C librarum denariorum etcetera, et de predictis promiserunt facere confessionem etcetera.

Benedetto Bonfigli agrees to rent two plots of land near Colle Tecco to Silvestro di Costanzo and his son Angelo for five years, Perugia.