Italian Renaissance Document Site

Eisdem millesimo, indictione et pontificatu et die. Actum Perusii ante portam eclesie Sancti Laurentii catredalis ecclesie Perusine, presentibus Bevegnate Iohannis Butii [nel testo "vas" depennato] vasario et Iacobo Iohannis, civibus Perusinis porte Sancti Petri, testibus habitis, vocatis et rogatis. Domina Iacoba Angeli Francisci de Perusio porte Sancti Petri, uxor olim ser Lippi Vegnatoli de Perusio dicte porte, tutrix Iulii filii olim et heredis dicti ser Lippi, prout de dicta tutela patere dixit publicum instrumentum manu ser Angeli Tome de Perusio publici notarii, agens infrascripta omnia et singula de presentia, licentia et consensu Angeli Francisci sui patris ac etiam de presentia, licentia, consensu, auctoritarìte et decreto egregii et iuris peritissimi viri domini Macthey domini Iacobi de Gratianis de Perusio porte Sancti Petri iudicis communis Perusii super comuni dividendo pro tribunali sedentis in quodam sedio lapideo sito in dicto loco, presentiam et eidem domine Iacobe infrascripte venditioni consentientium et consensum, auctoritatem et decretum prestantium eidem domine infrascripte venditioni fiende et Bartolomeus Francisci Vegnatoli de castro Sancti Martini in Campo comitatus Perusii parochie Sancti Petri, nomine suo proprio et curator et curatorio nomine Rentii, Tome et domine Macthee adultorum suorum fratrum carnalium et filiorum olim dicti Francisci et tutor et tutorio nomine Vegnatoli et domine Lodemie suorum fratrum et filiorum olim dicti Francisci ac etiam Pauli Valentini sui fratris consobrini prout de dictis tutelis et cura patere dixit publicum instrumentum manu ser Cecchi Antonii de Perusio publici notarii, pro quibus etiam dictus Bartolomeus de rato promisit se facturum et curaturum ita et taliter cum effectu quod dicti adulti et pupilli omnia et singula infrascripta cum erint perfecto etatis ratificabunt, approbabunt et emologabunt et si opus erit similem contractum fecerint infrascripto Benedicto in forma de iure valida sine interventu alicuius quantitatis pecunie ad ipsius Benedicti petitionem et terminum, per eos et eorum heredes, obligando dictus Bartolomeus omnia et singula et sua et omnium predictorum bona mobilia et inmobilia presentia et futura pro observatione infrascriptorum, et dicta domina Iacoba, obligando omnia et singula bona dicti Iulii pupilli presentia et futura pro observatione infrascriptorum, agens etiam dictus Bartolomeus omnia et singula infrascripta de presentia, licentia, consensu, auctoritate et decreto prefati domini Macthey iudicis antedicti presentis et eidem domine Iacobe omnibus et singulis infrascriptis consentientis ac consensum, auctoritatem et decretum prestantis, iure proprio et in perpetuum per verum et directum allodium dederunt, vendiderunt, tradiderunt, cesserunt atque concesserunt Benedicto Bonfilgli pictori de Perusio porte Sancti Petri, presenti, ementi, stipulanti et recipienti pro se et suis heredibus et cui ius suum concesserit seu concedere voluerit, unam petiam terre vineatam et arboratam sitam in pertinentiis castri Sancti Fortunati comitatus Perusii porte Sancti Petri in vocabulo Rustiche, fines cuius ab uno res eclesie Sancti Fortunati, ab alio res eclesie Sancte Marie Novelle pro rebus olim Timocthey Iacobi domini Symonelli, ab alio Cinellus de castro Sancti Martini in Campo et alia latera, et si dicta res vendita meliores et veriores haberet confines, ad habendum, tenendum, possidendum, vendendum, alienandum et permutandum et quidquid dicte emptori piacuerit admodum et deinceps perpetuo faciendum, cum accessibus et egressibus suis usque in vias publicas et cum omnibus et singulis rebus, iuribus, utilitatibus et comoditatibus, usu seu requisitione ad ipsam rem venditam pertinentibus seu spectantibus; et eodem titulo et causa venditionis dederunt, vendiderunt, tradiderunt, cesserunt atque concesserunt eidem emptori ut supra stipulanti et recipienti omne ius omnemque actionem et petitionem realem et personalem, utilem et directam, tacitam et expressam, pretoriam et civilem, generalem, spetialem seu mixtam et omnem aliam quod et quam dicti venditores habent habere possunt videntur et sperant habere in futurum in et pro dicta re vendita adversus quascumque personas comune corpus collegium et universitatem ponentes eundem emptorem in locum suum et ipsum procuratorem ut in rem suam propriam constituentes ita ut admodum et deinceps dictus emptor suo proprio nomine utiliter et directe in iudicio et extra possit agere, petere, causari, excipere et replicare, finire et refutare, experiri seseque tueri, confiteri et negare et omnia alia et singula facere, gerere et excercere que quilibet verus dominus de re sua propria facere, gerere et exercere prout et que facere poterant dicti venditores ante presentem contracrum venditionis. Et promiserunt dicti venditores eidem emptori quod de dicta re vendita nemini totaliter vel particulariter ius aliquod est datum, cessum vel concessum quod eidem emptori suisque heredibus seu huic contractui in aliquo nocere vel obesse possit, quod si datum, cessum vel concessum quomodolibet appareret promiserunt ipsum ius pro eo reaquirere et ipsum et eius heredes res et bona indempnem, indempnes et indempnia conservare et possessionem dicte rey vendite promiserunt eidem emptori ad ipsius emptoris petitionem et terminum dare et tradere liberam, vacuam et expeditam et a nemine occupatam vel detentam et ab omni onere debitorum, servitutis et dotium exoneratam, quam accipiendi, intrandi et retinendi eius auctoritate propria et sine licentia alicuius iudicis plenam licentiam et liberam potestatem contulit atque dedit, quam ex nunc idem emptor cosrituit habuisse et recepisse et de dicta revendita promiserunt eidem emptori perpetuo litem aliquam seu questionem non movere nec moveri facere per se vel alium seu alias nec moventi consentire, set potius legitime omni tempore ab omni homine persona comuni corpore collegio et universitate defendere, auctorizzare et disbrigare in curia et extra omnibus [nel testo "ipsorum" depennato ] ipsorum venditorum sumptibus et expensis iudicibus, decimis, advocatis et procuratoribus et in se iudicium et causam subscipere statim lite mota et liti et questioni se offerre, et intelligatur lix mota per unicam bayuli citationem ius denunptiandi eidem ex pacto remictentes; quamquidem venditionem, dationem et traditionem et omnia et singula supra et infrascripta fecerunt dicti venditores eidem emptori pro pretio et solutione duodecim florenorum ad rationem XL bolognenorum pro quolibet floreno, quos florenos et pretium dicti venditores fuerunt confessi et contenti habuisse et recepisse in variis et diversis partitis et conversos et solutos fuisse per ipsos emptores magistro Baldassari magistri Guilielmi de Perusio et Pascutio Becti de villa Montis de Corneo creditoribus heredum dicti ser Lippi Francisci et Valentini et dictorum pupillorum et adultorum et dicti [nel testo "Pascutii" depennato ] Bartolomei dictis magistro Baldasari et Pascutio debitis eo quod in vita dicti ser Lippi sub mutuo tradiderunt dictis ser Lippo et Bartolomeo que solvendi et satisfaciendi residuum pretii unius domus per ipsos empte ab heredibus Antonii Lodovici Rentii de Perusio pro pretio XXXVI florenorum, fines cuius domus empte ab uno res eclesie dicti castri, ab alio Paulus Petri Bacilis et ab alio strata, prout de instrumento emptionis patere dixerunt publicum instrumentum manu ser Tadey Iohannis de Perusio publici notarii, quam petiam terre dicti venditores asseruerunt fuisse venditam pro iusto pretio et dicto Benedicto emptori tamquam plus offerenti et tamquam rem minus dampnosam actento quod in habendis predictis non erat aurum neque argentum neque etiam res mobiles acte ad vendendum; et si dicta res vendita esse melior dicto pretio seu plus valeret id quod melior esser seu plus valeret donaverunt eidem emptori pro bonis meritis et gratis servitiis que a dicto emptore fuerunt confessi et contenti habuisse et recepisse, de quibus meritis et gratis servitiis fecerunt eidem emptori finem, refutationem et pactum de ulterius non petendo secundum leges, renunptiantes [nel testo depennata la seguente frase: "inter se ad invicem dicte partes una pars alteri et altera alteri vicissim singula singulis riferendo exceptioni non facte dicte venditionis da] dicti venditores exceptioni non facte dicte venditionis, dationis et traditionis, promissionis et obligationis et non facte dicte finis et refutationis et non habitorum et non receptorum dictorum florenorum et dictorum meritorum non receptorum et non promissorum et non conventorum omnium et singulorum supra et infrascriptorum et non celebrati presentis contractus et dicta domina lacoba expresse renunptiavit benefitio Velleani senatus consulti et iuri ipotecharum certiorata prius a me [ nel testo parola depennata ] notario infrascripto de dictis benefitiis que sint quid dicant et quid importent et omni alii legum et iuris auxilio, consuetudini et statuto, que omnia et singula supra et infrascripta promiserunt [ nel testo inter se ad depennata ] ac etiam iuraverunt ad sancta Dei evangelia corporaliter manu tactis scripturis predicta omnia et singula vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios alios que [ nel testo "alios" ripetuto e non depennato] vel exceptione de iure vel de facto agendo vel excipiendo sub ypotecha et obligatione omnium et singulorum eorum et cuiuslibet ipsorum bonorum presentium et futurorum et pena dupli dicti pretii, quam penam cum refectione danpnorum, expensarum et interesse litis et extra solenpni stipulatione dare et solvere dicto emptori promiserunt per aliquem ipsorum in aliquo contrafactum fuerit, qua pena soluta vel non contractus iste sit ratus et firmus et plenam habeat roboris firmitatem; et voluerunt pro predictis et infrascriptis omnibus conveniri posse Perusii, Florentie, Senis et ubique locorum et terrarum et ibi solutionem facere; et promiserunt facere confessionem coram iudice communis Perusii et quolibet alio iudice competenti ad ipsius emptoris petitionem et terminum.

Giacoma di Angelo di Francesco and Bartolomeo di Francesco Vegnatoi sell a plot of land near Villa San Fortunato to Benedetto Bonfigli, Perugia.